မြန်မာ့နိုင်ငံရေး

သေနတ်ကိုးကွယ်မှုဟာ အစွဲအလန်းကြီးစေတဲ့ အရာကို ကိုးကွယ်သလိုဖြစ်လာတယ်။ ဂျပန်တွေဆီက မြန်မာတွေ နှစ်ချက်လေ့လာခဲ့ရတယ်။ လူစုလူဝေး အစည်းအရုံးကို အခြေခံတဲ့ ခေါင်းဆောင်မှု နည်းပညာ အတတ်နဲ့  လက်နက် တပ်ဆင်ထားသူများရဲ့ အာဏာနဲ့  တင့်တယ်မှုဖြစ်တယ်။ မြန်မာနိုင်ငံရဲ့ အနာဂတ်ကို ရွေးချယ်တင်မြှေက်ပွဲတွေက ဆုံးဖြတ်မှာမဟုတ်ပဲ သေနတ်က ဆုံးဖြတ်မှာဖြစ်တယ်။ မြန်မာ့နိုင်ငံရေးမှာ ခင်ဗျား တို့  လိုအပ်တာက နိုင်မယ့်ဖက်က စမိဖို့ နဲ့  သေနတ်တွေ အမြောက်အများ ရှိဖို့  ပဲဖြစ်တယ်။ (ဒေါက်တာ ဘမော်)

ပုံကို http://en.wikipedia.org/wiki/Ba_Maw မှ ရယူပါသည်။




ဦးခင်အောင် ၏ “ဗိုလ်ချုပ်အောင်ဆန်းကို ဘယ်သူသတ်သလဲ?”
[3rd Edition] [အခန်း(၆) အကြမ်းဖက်မှုအမွေ စာမျက်နှာ ၁၈၁-၁၈၂ မှ]

ရည်ညွှန်းကိုးကား။
(ဒေါက်တာ ဘမော်(PhD)[ 8 February 1893 - (1893-02-08)29 May 1977(1977-05-29)]
[နန်းရင်းဝန်(1936-1939), ဂျပန်ခေတ် အဓိပတိ] ၏
Breakthrough in Burma: Memoirs of a Revolution, 1939-1946,
New Haven, Yale University Press, 1968.
xxiii, 460 p. maps, ports. 24 cm,
Page 216-253)

အထူးမှတ်ချက်။ ဒေါက်တာဘမော်ဟာ အဲဒီတုန်းက နိုင်ငံရေးအခင်းအကျင်း နဲ့  မြန်မာ့နိုင်ငံရေးမှာ ပါဝင်ပတ်သက်နေသူတွေရဲ့ လုပ်ပုံ ကိုင်ပုံ ဆောင်ရွက်ပုံ တွေးခေါ်ပုံ တွေကို ကြည့်ပြီး သုံးသပ်ထားတာ အနာဂတ်ဟောကိန်း ထုတ်ထားတာသာ ဖြစ်တယ်။ ဒီစကားဟာ သူ့  ယုံကြည်ချက်ကို ပြောတာမဟုတ်ဘူး။

တို့ တတွေလက်တွဲ ခိုင်မြဲနေသ၍

နေ့ တွေဘယ်လိုကုန်သွားသွား
တို့ လမ်းကိုတော့
မပျောက်ပါစေနဲ့ ကွယ်။

ဒါလောက်ထိ လျောက်ခဲ့ကြပြီးမှ

တို့ ဘာလို့ 

လက်လျော့ရမှာလဲ။

အိမ်မက်တွေကို ယက်ကန်းရှယ်လို့ 

အောင်မြင်မှုတွေစတော့မှာမို့ ..

ယုံကြည်ခြင်းနဲ့ 

တို့ အသက်ရှင်ကြမယ်။

တို့ ဘ၀ တို့ ယုံကြည်ချက်

တို့ မျှော်လင့်ခြင်း နဲ့  တို့ ရဲ့မင်္ဂလာတရား

ခိုင်မြဲစွာဆုပ်ကိုင်ထားရင်း

နှလုံးသားအတွင်းမှာ အမှန်တရား

တည်တံ့နိုင်ပါစေသားကွယ်။

တို့ တတွေလက်တွဲ

ခိုင်မြဲနေသ၍

တို့ အိပ်မက်တွေ ရှင်သန်နေ…။

တိမ်ယံဖောက်ထွင်း ငါနဲ့ မင်း

ထာဝရအဆုံးမဲ့ နှင်စို့ လေ။

လေပြည်ထဲက လိပ်ပြာတွေကို

ဦးညွတ်တတ်အောင်

တို့ …သင်ယူကြပါစို့ ။

ကြယ်စင်တစင်း

ရှာဖွေခြင်း အလုပ်ကိုလည်း

ဆုံးခန်းတိုင်တို့ 

ဆုပ်ကိုင်ကြပါစို့ ။

တောင်စဉ် ချိုင့်ဝှမ်းက

ရေတံခွန်စိမ့်စမ်းနဲ့ ..

တို့ မျက်ရည်တွေကို ဆေးကြောကြပါစို့ ။

ယိမ်းနွဲ့ လှုပ်ခါ စကားလုံးတွေနဲ့ 

“ငြိမ်းချမ်းညိမ်သက်စွာ ပြန်နားပါရစေ” လို့ 

တောင်းဆုပြုတာတွေလည်း

……မနည်းတော့ပါဘူးကွယ်။

အမှောင်ထဲမှာဆိုတော့လည်း

နေမင်းကို တမ်းတမိတာပေါ့။

အလင်းရောင်ကို မြင်မက်ပါ..

နှလုံးသားနွေးထွေးစွာနဲ့ 

အားလုံးကို..

(မေတ္တာတရား)

မျှဝေပေးပါ။

တို့ တတွေလက်တွဲ

ခိုင်မြဲနေသ၍

တို့ အိပ်မက်တွေ ရှင်သန်နေမှာပါ…။

တိမ်ယံဖောက်ထွင်း ငါနဲ့ မင်း

ပျံသန်းနိုင်သမျှ

ဟိုး………အမြင့်ဆုံးသို့ သာ…။

(ခြိမ့်ထက်)

ဝန်ခံချက်

James Roy Horner

Wilbur H. "Will" Jennings

Diana Ross(Diana Ernestine Earle Ross) တို့ ၏

"If We Hold On Together" သီချင်းကို ခံစားရေးဖွဲ့ ပါသည်။

ကောင်းကင်တမန် ၏ တံပိုးခရာ

သင်္ချာပညာရပ်ရဲ့ သမိုင်းကြောင်းတလျောက်မှာ
သုည ( Zero )
အနှုတ်ကိန်း ( negative number) တွေနဲ့ 
အနန္တကိန်း (Infinity) တွေ ဟာ
သင်္ချာပညာရှင်တွေကို ရာစုနှစ်နဲ့ ချီပြီး
ခေါင်းကိုက်စေခဲ့ကြတယ်။

ဒါကတော့..
အဲဒီလို ပြဿနာတွေထဲက တခုပါ။

Gabriel's Horn လို့ ပဲခေါ်ခေါ်
Torricelli's trumpet လို့ ပဲပြောပြော....

အတိအကျရှိတဲ့ ထုထည်ပမာဏ နဲ့ 
အနန္တ ဧရိယာ ရှိနေတဲ့....
"ကောင်းကင်တမန် ၏ တံပိုးခရာ" အကြောင်း..............။
(သို့မဟုတ်)

The paradox of  y  =  1/x

The curve  y  =  1 / x  in the first quadrant 








is rotated about the  x-axis to generate a solid

The y-axis is an asymptote and thus avoided by setting x> 1

 

Area က Infinity

Volume က Finite number( PI )

(မကြွာမီ..........)


References:

http://en.wikipedia.org/wiki/Gabriel%27s_Horn

http://curvebank.calstatela.edu/torricelli/torricelli.htm

http://en.wikipedia.org/wiki/Evangelista_Torricelli

မြန်မာ့မဟာဂီတ နှင့် ရှမ်းခေါင်းဆောင်တို့ ၏ အခန်းကဏ္ဍ

မန္တလေးမှာ ထီးနန်းပျက်သုဉ်းသွားတော့ နန်းတော်သုံး သဘင်သည်တွေအားလုံး အရှင်မဲ့ သခင်မဲ့ ဖြစ်ကျန်ရစ်ပြီး ပေးမယ့် ကမ်းမယ့် ကျွေးမွေးမယ့်သူမရှိ၊ ဘယ်သူကမှ တီးလှည့်ပါ ဆိုလှည့်ပါ ကလှည့်ပါ လို့  မငှားရမ်းနိုင်လို့  စားရမဲ့ သောက်ရမဲ့ ဖြစ်ကုန်ကြတယ်။

နန်းတွင်းမှာကပြတဲ့ ယိုးဒယားအီနောင်ဇာတ်၊ ရာမဇာတ်ကြီးတွေက ဇာတ်ဖွဲ့  ၀င်တွေဆိုတာ သာဆိုးတာပေါ့။ တဇာတ်ကို (၄၅)ည ကပြရတာမျိုး ဘယ်ဆင်းရဲသားက ပွဲသွင်းပြီးကြည့်နေနိုင်မှာလဲ။ အဲဒါကြောင့် ဇာတ်သမားတွေ (၁၀၀) ကျော်လောက် အားလုံး ဒုက္ခရောက်တဲ့အခါ ပခန်းမင်းကြီးကတော်က တတ်နိုင်သလောက် ပေးကမ်းထောက်ပံ့နေရသတဲ့။

အဲဒီသတင်းတွေကို သီပေါကကြားတဲ့အခါ သီပေါကိုခေါ်ပြီး စော်ဘွားက ဆက်လက်စောင့်ရှောက်တယ်။ ဒါကြောင့် ယိုးဒယားဆရာမောင် (ရာမ)၊ ဆရာပေါ်၊ ယိုးဒယား ဦးစိန်အုပ် တို့  သီပေါရောက်ကုန်ကြတယ်လေ။

သီပေါစော်ဘွားက ရာမ အီနောင် ဇာတ်အဖွဲ့ သားတွေကိုသာမက မဟာဂီတဘက်က အတီး အဆို သမားတွေကိုလည်း ခေါ်ပြီးကျွေးမွေးပေးကမ်းတယ်။ သီပေါမှာ အမြဲနေနိုင်သူကို အမြဲတမ်းအလုပ်ပေး ထောက်ပံ့တယ်။ မနေနိုင်သူတွေကို သွားချေ ပြန်ချေ နေစေပြီး ထောက်ပံ့ပါတယ်။ ပြီးတော့ ဟော်ထဲမှာ တီးကြ၊ ဆိုကြ၊ ပွဲလမ်းသဘင်တွေ ကကြပြကြပေါ့။

စော်ဘွားက အတီးအဆိုကို တော်ရုံဝါသနာ ပါတာမဟုတ်ဘူး။ ထမင်းစားနေရင်း အတီးအဆိုသံမကြားရရင် ထမင်းမမြိန်ဘူးတဲ့။ ဒါကြောင့် စော်ဘွားပွဲတော် တည်ချိန်မှာ အငြိမ့်တော် အမြဲတမ်း တက်ရတယ်။ စော်ဘွားကြီး စောကြာခိုင်ရော၊ သူ့ သားစော်ဘွား စောချယ် ရော ကိုယ်တိုင် တီးရုံ ဆိုရုံ ရေးစပ်ကြရုံ မကဘူး၊ တီးတတ် ဆိုတတ်သူတွေကို စော်ဘွားကတော်အဖြစ်နဲ့  ထားတာတွေလည်း မနည်းဘူး။

ဗြိတိသျှအစိုးရလက်ထက်မှာ သီပေါစော်ဘွားစောချယ်ကို တစ်နေ့ တော့ ဗြိတိသျှအစိုးရက ဆာ ဘွဲ့  ပေးပါတယ်။ ဒါကြောင့် ဆာစောချယ် လို့ ပဲခေါ်ကြတယ်။
(အဖွား လူထု ဒေါ်အမာ ၏ မြန်မာ့မဟာဂီတ မှ ကောက်နှုတ်ချက်)

ဌ နှင့် ဋ္ဌ ၊ ဖူး နှင့် ဘူး

ဌ သည် ဌ [ထ၀မ်းဘဲ-ဟုအသံထွက်] အက္ခရာ တစ်လုံးတည်းဖြစ်သည်။
ဋ္ဌ သည် ဋ [တ တလင်းဂျိတ်-ဟုအသံထွက်] နှင့် ဌ တို့ ထပ်ဆင့်ထားသော ဗျည်းတွဲဖြစ်သည်။
ဌာန၊ ဌာန်၊ ဌာပနာ၊ ပါဌ်ဆင့်၊ သူဌေး စသည်ကိုရေးသောအခါ လည်ရစ်မပါသော ဌ သက်သက်ဖြင့် ရေးရသည်။
ဥက္ကဋ္ဌ၊ အဋ္ဌမ၊ သေဋ္ဌေး၊ ပြဋ္ဌာန်း၊ ကမ္မဋ္ဌာန်း စသည်ကိုရေးရင် ဋ နှင့် ဌ ဆင့်ထားသော လည်ရစ်ပါသည့် ဋ္ဌ နှင့် ရေးရသည်။

*********************************

ဖူး

ထိုင်းနိုင်ငံ ရောက်ဖူးတယ်…။[ဖူး အသံထွက်]
ဂေလမ်း (Geylang) သွားဖူးတယ်….…။[ ဘူး အသံထွက်]
အဲဒီအသီး စားဖူးတယ်….…။[ ဘူး အသံထွက်]
“လေလွင့်သူ” စာအုပ် ဖတ်ဖူးတယ်.. …။[ဖူး အသံထွက်]
“စုန်ရေ” ရုပ်ရှင် ကြည့်ဖူးတယ်.. ။[ ဘူး အသံထွက်]
“ဗိုလ်အောင်ဆန်း” သီချင်း နားထောင်ဖူးတယ်….။[ ဘူး အသံထွက်]
စသည်ဖြင့် အတိတ်က အမှန်တကယ် လုပ်ကိုင်ဆောင်ရွက်ခဲ့ကြောင်း ပြဆိုသော ကြိယာအဖြစ် မူလကြိယာ [ရောက်-သွား-စား-ဖတ်-ကြည့်-နားထောင် စသည်] တို့ နှင့် တွဲသုံးသည်။

ဘူး

ခိုင်ခိုင်မာမာ သေသေချာချာ ငြင်းပယ်သော စကား ။ မဟုတ်ကြောင်း မမှန်ကြောင်း မလုပ်ကိုင် မဆောင်ရွက် [ခဲ့]ကြောင်း ပြဆိုလိုသောအခါ မ + မူလကြိယာ တို့ နှင့် တွဲသုံးသည်။

အဲဒီနိုင်ငံ မရောက်ဘူး ။[ဖူး အသံထွက်]----ယတိပြတ်အငြင်း
အဲဒီနိုင်ငံ မရောက်ဖူးဘူး။ -----------------ရောက်ခဲ့သော အတွေ့ အကြုံရှိသည်မှာ မဟုတ်၊ မမှန်။

အဲဒီနေရာ မသွားဘူး။[ ဘူး အသံထွက်]---ယတိပြတ်အငြင်း
အဲဒီနေရာကို မသွားဖူးပါဘူး။ ------------သွားခဲ့သော အတွေ့ အကြုံရှိသည်မှာ မဟုတ်၊ မမှန်။

အဲဒီအသီး မစားဘူး။[ ဘူး အသံထွက်]----ယတိပြတ်အငြင်း
 အဲဒီအသီး မစားဖူးဘူး။------------စားခဲ့သော အတွေ့ အကြုံရှိသည်မှာ မဟုတ်၊ မမှန်။


အဲဒီစာအုပ် မဖတ်ဘူး။[ဖူး အသံထွက်]----ယတိပြတ်အငြင်း
အဲဒီစာအုပ် မဖတ်ဖူးဘူး။------------ဖတ်ရှုခဲ့သော အတွေ့ အကြုံရှိသည်မှာ မဟုတ်၊ မမှန်။

အဲဒီရုပ်ရှင် မကြည့်ဘူး။[ ဘူး အသံထွက်]
အဲဒီသီချင်း နားမထောင်ဘူး။[ ဘူး အသံထွက်]
စသည်များအတွက်လည်း အလားတူ ယူဆကြပါကုန်.....။

(ရည်ညွှန်းကိုးကား)
ပညာရေးဝန်ကြီးဌာန-မြန်မာစာအဖွဲ့  ၏ "မြန်မာစာ မြန်မာစကား"

Coding Standards Part-II

ဆော့ဖ်ဝဲနဲ့ ပတ်သက်တဲ့ မှတ်တမ်းမှတ်ရာ(Software Documentation) ဟာ ပုံစံနှစ်မျိုးနဲ့ ရှိနိုင်ပါတယ်။

တစ်မျိုးကတော့ Source Code ရဲ့ ပြင်ပမှာ သီးခြားရေးသားပြုစုထားတဲ့ External Documentations တွေဖြစ်ကြတဲ့ Business Requirement Specification, System Requirement Specification, Detailed Design Specification, User Manual Documentation[Help File] စတာတွေဖြစ်ပါတယ်။

နောက်တစ်မျိုးကတော့ ပရိုဂရမ်ရေးသားနေစဉ်ကာလမှာပဲ Source Code ရဲ့ အတွင်းမှာ တပြိုင်တည်းရေးသား သွားတဲ့ Internal Documentation တနည်းပြောရရင်တော့ Comment တွေပဲပေါ့ဗျာ။

ဒီ Comment တွေဟာ Run Time မှာ ဘာမှလုပ်မပေးနိုင်ပေမဲ့၊ Maintenance လုပ်တဲ့အချိန်မှာတော့ သိပ်ကို ကြီးမားထိရောက်တဲ့ အကူအညီတွေ ပေးနိုင်ပါတယ်။ ဒါကြောင့် ကောင်းမွန်ရှင်းလင်းတဲ့ Comment တွေ ရဖို့ အတွက် အောက်ပါအချက်တွေနဲ့ အညီ ဆောင်ရွက်သင့်ပါတယ်။

Java နဲ့ရေးရင် java doc (java documentation) tool နဲ့ ကိုက်ညီမယ့်ပုံစံ၊ C# နဲ့ရေးရင် XML Documentation Feature နဲ့ ကိုက်ညီမယ့် ပုံစံနဲ့ ရေးပါ။

[ ဒီအကြောင်း အသေးစိပ် သိလိုတယ်ဆိုရင် သက်ဆိုင်ရာ စာအုပ်စာတမ်းများ၊ ကျွမ်းကျင်သူများထံမှာ လေ့လာမေးမြန်းကြပါ။ ဒီနေရာမှာတော့ အချက်အလက်တွေ သိပ်များပြားရှုပ်ထွေးကုန်မှာစိုးတဲ့အတွက် ချန်လှပ်ခဲ့ပါရစေဦး။]

Source Code ကို ပြင်ဆင်တယ်ဆိုရင် သူနဲ့သက်ဆိုင်တဲ့ comment တွေကိုပါ လိုအပ်ရင် တခါတည်းပြင်ပါ။

Method, Function တိုင်းရဲ့အစမှာ၊ ဒီ Method ရဲ့ ရည်ရွယ်ချက်၊ ယူဆချက်၊ အကန့် အသတ်၊ စတာတွေအပြင် ဒီ Method ဟာ ဘာလုပ်နိုင်တယ်၊ သူ့ ကို ဘာကြောင့်ရေးရတယ်၊ ဘယ် အညွှန်း BRS, SRS ကြောင့် ရေးတယ်၊ ဒီ Method ကို ခေါ်ရင် ဘာ Parameter တွေထည့်ပေးရမယ်၊ သူက ဘာကို Return ပြန်ပေးမယ် ဆိုတာတွေကို ပုံစံတကျ ပြည့်ပြည့်စုံစုံ comment ရေးသားပေးပါ။

Variable ကြေညာပြီး သူ့ ရဲ့ လိုင်းအဆုံးမှာ indent ခြားပြီး ဒီ variable ကို ဘာအတွက်သုံးတာ… ဆိုတဲ့ ခပ်တိုတို comment မျိုးကလွဲပြီး၊ အဲဒီလို ‘လိုင်းအဆုံးတွင်ရေးသောမှတ်ချက်’ (end-line comment) တွေကို တတ်နိုင်သလောက် ရှောင်ကျဉ်ပါ။

Comment နဲ့  coding ကို blank line သို့ မဟုတ် white space နဲ့ ပဲ ခွဲခြားပါ။ Asterisks(*) [ VB မှာတော့ Single quote ပေါ့ဗျာ..] တွေကို လိုင်းတလိုင်းစာသုံးပြီး ပိုင်းခြားတာမျိုး၊ comment တွေကို ပတ်ပတ်လည်ဘောင်ခတ်ထားတဲ့ပုံစံ (typographical frame) မျိုး ရှောင်ကျဉ်ပါ။ ကြည့်ရတာ မိုက် သလိုလိုရှိပေမယ့် ၊ Maintenance လုပ်တဲ့အခါ ၊ တခါတလေ သူ့ အတွက်နဲ့  အလဟဿ အချိန်ကုန်တတ်ပါတယ်။

ပြီးတော့ မိတ်ဆွေရဲ့ Application ကို deploy မလုပ်မီ (Installer မပြုလုပ်မီ) Program တွေအတွင်းမှာ ယာယီသုံးစွဲထားတဲ့ မှတ်ချက်တွေ၊ မလိုအပ်ပဲ ပုံလျှံနေတဲ့ comment ပိတ်ထားတဲ့ လိုင်းတွေ၊ to do list စတာတွေ အားလုံးကို ရှင်းလင်းဖယ်ရှား(ဖျက်) ပစ်ပါ။

တကယ်လို့  မိတ်ဆွေဟာ၊ ရှုပ်ထွေးတဲ့ Programing Logic တခုနဲ့  ပတ်သက်ပြီး ရှင်းလင်းပြမယ့် comment မျိုးရေးတော့မယ်ဆိုပါစို့ ။ ဒီလို comment မျိုးရေးမယ့်အစား၊ ရှုပ်ထွေးနေတဲ့ Programming Logic ကိုသာ ပိုမိုရှင်းလင်းသွားအောင် ကြိုးစားပြီး ပြန်ပြင်ရေးကြည့်ပါဦး။ ‘ရှင်းအောင်မလုပ်နိုင်ရင် မိုက်မဲရာကျမှာပေါ့’ ဆိုတဲ့ KISS(Keep It Simple, Stupid!)Principle ကို သတိရပါ။

Comment တွေကို အဓိပ္ပါယ်ပေါ်လွင်အောင် ၀ါကျပြည့်စုံစွာတည်ဆောက်ရေးသားပါ။ ရှင်းပြလိုက်မှ ပိုရှုပ်သွားတာမျိုး၊ အင်္ဂလိပ်တွေနားမလည်တဲ့ အင်္ဂလိပ်စကားမျိုးတော့ မဖြစ်စေနဲ့ ပေါ့ဗျာ။

Loop တွေ (for, foreach, while, do…while) နဲ့  logical branch (if, if else, switch, ternary operator [or] conditional operator ? :) တွေမှာ၊ comment ရေးပါ။

ဒါတွေဟာ Source Code ရဲ့ တကယ့်အရေးပါတဲ့နေရာတွေပေါ့။ မိတ်ဆွေကိုယ်တိုင်တောင် ကိုယ်ရေးထားတဲ့ Application တခုကို နောက် တစ်လ တစ်လခွဲ လောက်ကြာတဲ့အချိန် ပြန်ဖတ်တဲ့အခါ၊ အဲဒီလိုမျိုး comment တွေဟာ အလွန် အကျိုးရှိတာ တွေ့ ရမှာပါ။

ကဲ အခု ကျွန်တော်တို့  source code ရဲ့ ပုံပန်းသဏန် သွင်ပြင်လက္ခဏာ (format)တွေ အကြောင်း ဆက်ပြီးတော့ လေ့လာလိုက်ကြပါဦးစို့ ။

3. Format

C C++, Java, C# စတဲ့ language တွေမှာ မဖြစ်မနေသုံးရတဲ့ တွန့် ကွင်း(curly braces) နဲ့ ပတ်သက်ပြီး အရင်ဆုံးတင်ပြချင်ပါတယ်။ Java မှာတော့ class, interface, method, constructor, block(try-catch, static, if, switch, for, while, do, etc) စတဲ့ declaration တွေပြီးတာနဲ့  ချက်ချင်း space တစ်ခုခြားပြီး တွန့် ကွင်း စ ဖွင့်ရပါမယ်။ ဒါဟာ Java မှာ must be ပါ။ တွန့် ကွင်းပိတ်တဲ့ အခါ အဲဒီ declaration ရဲ့ အစ စာလုံးအောက်တည့်တည့် ဒေါင်လိုက် တတန်းတည်းဖြစ်ရပါမယ်။ ဥပမာ

anyBlock() {

}

C# မှာတော့ .NET IDE က အဖွင့် ကွင်း နဲ့  အပိတ်ကွင်းကို တတန်းတည်း ထားတဲ့ပုံစံကို သုံးပါတယ်။ ဥပမာ

AnyBlcok()

{

}

ဒါကြောင့် ကျွန်တော်တို့  အထက်မှာ ဆွေးနွေးခဲ့သလို တချို့ အရာတွေကတော့ ‘တကျောင်း တဂါထာ’ ဖြစ်တဲ့အတွက်၊ သူ့ ကျောင်းနေရင် သူ့ စာ အံ လိုက်ပေါ့ဗျာ။ သတိထားဖို့ တခုကတော့ IDE တွေ Editor တွေက generate လုပ်ပေးတဲ့ code က format တမျိုး၊ ကိုယ်ကိုတိုင် ရေးတဲ့ ကုဒ် တွေက format တမျိုးတော့ မဖြစ်စေနဲ့ ပေါ့ဗျာ။ Program တစ်လျောက်လုံးမှာ format တမျိုးတည်းကိုပဲ ပုံသေသုံးစွဲ သင့်ပါတယ်။

Indent တွေကို မဖြစ်မနေသုံးစွဲပါ။ Java မှာ one indent level ဟာ 4-spaces ရှိရပါမယ်။ C# အတွက်လည်း အလားတူ ယူဆနိုင်ပါတယ်။

မိတ်ဆွေ source code ရဲ့ လိုင်းတလိုင်းမှာ ပါမယ့် character အရေအတွက်ကို အတိအကျ သတ်မှတ်ထားပါ။ [ဥပမာ 65-characters per line စသည်ဖြင့်ပေါ့။] ဒါမှသာ source code ကို soft copy အနေနဲ့  ဖတ်တဲ့အခါ၊ Horizontal Scrollbar သုံးစရာ မလိုတဲ့အပြင်၊ Hard Copy အဖြစ် ဖတ်ရှုတဲ့အခါမှာလည်း ပုံမပျက် မရှုပ်ထွေးတော့ဘူးပေါ့။

Uninary Operator(++, --, +=, -=, etc..) တွေကလွဲရင် Binary Operator, assignment operator တွေရဲ့ ရှေ့ နဲ့  နောက် မှာ space တခုစီ သုံးပေးပါ။ ဥပမာ

int a=4; bad

int a = 4; good

c=a+b; bad

c = a + b; good

စသည်ဖြင့်ပေါ့ဗျာ။ ဒီလောက်ဆို မိတ်ဆွေတို့  ကောင်းကောင်းသိပါတယ်။ concatenation operator ( + ) ကို သုံးစွဲရင် ပထမလိုင်းရဲ့ နောက်ဆုံးမှာပဲထားပါ။ ဒုတိယ လိုင်းရဲ့ ရှေ့ ဆုံးမှာ မထားပါနဲ့ ။ ဥပမာ

String longDesc = “This is a very long description, …..to be continue” +

“this is the continuation of the previous line”;

For loop ကလွဲလို့  လိုင်းတလိုင်းမှာ statement တခုထက် ပိုမရေးသင့်ပါဘူး။

Html ရေးတဲ့အခါ tags တွေအားလုံးကို အကြီး(upper case)၊ attributes တွေကို အသေး(lower case)၊ attribute ရဲ့ value တွေကို သင့်လျော်ရာ single quote သို့ မဟုတ် double quote တွေ သုံးပြီးရေးသားပါ။ XML ရေးရာမှာလည်း opening tag တိုင်းအတွက် သက်ဆိုင်ရာ closing tag တွေကို သုံးစွဲပါ။

SQL statement တွေအတွက် keyword အားလုံး အကြီး၊ database element/object (table, column, view) တွေအတွက် အကြီးအသေးရော(mixed case) ပုံစံနဲ့ ရေးပါ။ ဒါ့အပြင် major clause တိုင်းကို တစ်လိုင်းစီ ရေးပါ။ ဥပမာ

SELECT FieldOne, FieldTwo, …..

FROM TableOne, TableTwo

WHERE (bla bla relationship of two tables)

AND FieldSomething LIKE ‘ something’

OR FieldNo = 999;

ကျွန်တော်တို့  အခုဆွေးနွေးခဲ့တာတွေက ပြည့်စုံမှုမရှိသေးပေမယ့်လည်း ယေဘုယျ အခြေခံအချက်အလက် တွေကိုတော့ သိခဲ့ရပြီပေါ့ဗျာ။ ဒီအချက်အလက်တွေအတိုင်း လိုက်နာဆောင်ရွက်နိုင်မယ် ဆိုရင်တောင် မိတ် ဆွေရဲ့ source code တွေဟာ ရှင်းလင်းသပ်ရပ်မှု (Simplicity and Clearity) ရှိလာမယ်။ ဒီရဲ့ အကျိုးဆက် အဖြစ် ဖတ်ရှုနားလည်နိုင်စွမ်း (Readability and Understandability) တက်လာမယ်။ ဒါကြောင့် ပြင်ဆင်နိုင်စွမ်း (Maintainability) မြင့်မားလာပြီး ပြင်ဆင်ထိန်းသိမ်းမှု ကုန်ကျစရိတ် (Maintenance Cost) လျော့ကျလာနိုင်ပါတယ်။ ဒီအချက်အလက်တွေဟာ C, C++ , Java ပရိုဂရမ်မာတွေ ၊ အဲဒီ language တွေ ကျောထောက်နောက်ခံရှိတဲ့ C# ပရိုဂရမ်မာတွေ အတွက် အနည်းနဲ့ အများ ရင်းနှီးပြီးသားဖြစ်မှာပါ။ အရေးအကြီးဆုံးအချက်ကတော့ ပရိုဂရမ် စရေးရေးခြင်း

    “Start ကို နှိပ်ပါ။ ဘာကိုဖွင့်ပါ။ File menu ထဲက New Project ကိုရွေးပါ။ ဘာလုပ်ပါ။ ညာလုပ်ပါ။ F5 ကိုနှိပ်၍ Run ပါ”

ဆိုတဲ့ သင်ကြားချက်မျိုး လုပ်ဆောင်ချက်မျိုး က ရလာတဲ့ ပရိုဂရမ်တွေ အပေါ်မှာ သောင်တင်ယစ်မူး နေတဲ့ အဖြစ်မျိုး မရောက်အောင် ပရိုဂရမ်ကို စတင်လေ့လာသင်ယူနေတဲ့ မိတ်ဆွေတို့  အထူးသတိထား သင့်တယ်ဆိုတာပါပဲ။ ဒီလိုပြောတာဟာ IDE(Integrated Development Environment) ကို ပစ်ပယ်တာမဟုတ်ပါဘူး။ တကယ်တော့ IDE ဟာ ၀ါရင့် သမ္ဘာရင့် ပရိုဂရမ်မာတွေအတွက်တောင် မရှိမဖြစ် နီးနီး သိပ်ကို အရေးကြီးတဲ့ ၊ ဆောဖ့်ဝဲရေးသားထုတ်လုပ်နိုင်စွမ်း (Software Productivity) ကို အများကြီး မြှင့်တင်ပေးနိုင်တဲ့ tool တစ်ခုပါ။

ဒါပေမယ့် လူသစ်တန်း ပရိုဂရမ်စတင်လေ့လာသူတွေဟာ (ဖြစ်နိုင်သလောက်) ရိုးရိုး text editor နဲ့  command line tools တွေကိုပဲ သုံးစွဲပြီး၊ ကိုယ်ရေးတဲ့ပရိုဂရမ်ကို ‘အပ် ကျတာကအစ သိနေအောင်’ အရင်ဆုံး အားထုတ်သင့်ပါတယ်။ အဲဒီလိုမှ မဟုတ်ရင်တော့ ဒါဟာ “ပန်းတိမ် မတတ်ခင် ရွှေ ခိုးသင်” ဆိုတာထက်ကို ဆိုးဝါးတဲ့ ၊ “ပန်းတိမ် မသင် ခင် ၊ ရွှေ ခိုးသင်” သလို ဖြစ်နေနိုင်ပါကြောင်း…။

သင်္ချာတပုဒ် ချည်းကပ်ပုံအထွေထွေ

မင်္ဂလာပါခင်ဗျာ…

ဘောပွဲတပွဲမှာ ဂိုးသမားက ဘောလုံးကို မြေမှာ တည်ပြီးကန်လိုက်တယ်။ အဲဒီလိုကန်လိုက်တဲ့အခါ၊ အဲဒီ ဘောလုံးရဲ့ စက္ကန့်  နဲ့  အမျှပြောင်းလဲသွားတဲ့ အမြင့်ပေတန်ဘိုး ကို ပြတဲ့ function အဖြစ် ညီမျှခြင်း h = 100t – 25t2 ကို ပေးထားတယ် ဆိုပါစို့ ။ t က စက္ကန့်  h က အမြင့်ပေ ပေါ့ဗျာ။ ကျွန်တော်တို့  သိချင်တာက

၁။ စ ကန်လိုက်တဲ့ အချိန်ကနေ ဘယ်အချိန်မှာ ဘောလုံးဟာ အမြင့်ဆုံးကို ရောက်မလဲ

၂။ ဘောလုံးဟာ အမြင့်ဆုံးကို ရောက်နေတဲ့အချိန်မှာ မြေပြင်ကနေ အမြင့်ပေ ဘယ်လောက် မှာ ရှိနေလဲ

၃။ ဘယ်အချိန်မှာ ဘောလုံးဟာ မြေပေါ်ကို ပြန်ကျမလဲ

ဆိုတာတွေပဲ။

ဒါတွေကိုရှာတဲ့အခါ ကျွန်တော်တို့ ဟာ

1. Algebraic Method

2. Deductive Method

3. Graphic Method

4. Trial-and-Error Method နဲ့ 

5. Calculus Method ဆိုပြီး နည်းလမ်း ၅-မျိုးနဲ့  ချဉ်းကပ် စဉ်းစားအဖြေရှာ ကြည့်ကြမှာဖြစ်ပါတယ်။

ကျွန်တော့အနေနဲ့  ဒီဆောင်းပါးမှာ တကယ်တန်းဆွေးနွေးချင်တာက Calculus မှာ ရှိတဲ့ Maximum နဲ့  Minimum အကြောင်းဗျ။

    “အော်… ဒါဆိုရင်လည်းဗျာ.. ဘာလို့  ပေရှည်ပြီး ‘မဆိုင်တဲ့အပေါက် ဂလိုင်နဲ့ ခေါက်’ နေတာတုန်း။ လိုရင်း တိုရှင်း Short to the point ၊ သွားမယ့်နေရာ တိုက်ရိုက်သွားလိုက်ပါတော့လား…”

လို့  အပြစ်တင်ရင်လည်း ခံရမှာပါပဲ။ ကျွန်တော့ရဲ့ ရည်ရွယ်ချက်က ပြဿနာတရပ်ကို ချဉ်းကပ်တဲ့အခါ ကိုယ်နဲ့  ရင်းနှီးပြီးသား ပြဿနာဖြေရှင်းပုံနည်းလမ်းကိုသာ စ စဉ်းစားပြီး၊ ပြီးမှ ကိုယ်သိပ်မရင်းနှီးသေးတဲ့ နည်းလမ်းကို တဖြည်းဖြည်း ကူးပြောင်းကြံဆ တဲ့နည်းနဲ့  သင်္ချာပညာရဲ့ အကိုင်းအခက်တွေဟာ တခု နဲ့ တခု ဘယ်လို အပြန်အလှန် ဖြာယှက်နေ သလဲဆိုတာကို တတ်နိုင်သလောက် ကြိုးစားပြီး တင်ပြချင်လို့  ဖြစ်ပါတယ်။ ရည်ရွယ်ချက် အောင်မြင်တယ် မအောင်မြင်ဘူးဆိုတာကတော့ မိတ်ဆွေတို့ ပဲ ဆုံးဖြတ်ရမှာပေါ့။

1. Algebraic Method( အက္ခရာသင်္ချာနည်း)

ဒီပြဿနာကို အက္ခရာသင်္ချာနည်း နဲ့ ဖြေရှင်းဖို့  စ စဉ်းစားတဲ့အခါ ပေးထားတဲ့ Equation ကို ကြည့်လိုက်ဗျာ။ ပုံဟာ downward-facing parabola ဖြစ်ရမှာ မဟုတ်ဘူးလား။

    “ဘာ…ဘာ..ဘာ…ဘာတွေလာပြောနေတာလဲ….။ ခင်များဗျာ….ဘာမှတောင် ရှင်းမပြသေးပဲနဲ့ ။ ကျုပ်တို့  က Equation ကို ကြည့်ပြီး ဘာပုံဆိုတာ ပြောနိုင်တဲ့ လူမျိုးမဟုတ်ဘူးဗျ။ အဲဒီလောက် သိနေရင် ဒီလို စာမျိုးတောင် အချိန်ကုန်ခံ ပြီး ဖတ်မနေဘူး”

….ဆိုပြီးများ အပြောခံရမလားတော့မသိပါဘူးဗျာ။ မိတ်ဆွေတို့  ကျွန်တော်တို့  ၉-တန်း ၁၀-တန်း လောက်မှာလား၊ အဆင့်မြင့်ပညာ (တက္ကသိုလ် ကောလိပ် GTI ) ပထမနှစ် လောက်မှာလား ကျွန်တော်လည်းသေချာတော့မမှတ်မိဘူး။ အဲဒီတုန်းက သင်ခဲ့ရတဲ့ သင်္ချာ ဗျာ။ Coordinate Geometry တို့  Calculus တို့ ဘာတို့ ။ အဲ Calculus ကတော့ ပထမနှစ် မှာ စသင်ရပြီ ဗျ ကျွန်တော် ကောင်းကောင်း မှတ်မိတယ်။ ဘာလို့ မှတ်မိတာတုန်းဆိုတော့ သင်္ချာကို စိတ်ဝင်စားလှတဲ့ ကျွန်တော် ဟာ GTI ပထမနှစ်မှာသင်ခဲ့ရတဲ့ အဲဒီ Calculus ကို ဘယ်လိုမှ ကျိုးကြောင်းဆင်ခြင်ဉာဏ်နဲ့  ဆက်စပ်ပြီး ချေချေမြစ်မြစ် ဂဃနဏ နားမလည်နိုင်ပဲ အများနည်းတူ “လှေနံ ဒါးထစ်၊ စလေငခွေး၊ အမေမှာတဲ့ ဆန်တခွဲ သုံးစိတ်နဲ့ မလဲ၊ အသေမှတ်၊ အလွတ်ကျက်” ဘဝမျိုးနဲ့  ကြုံခဲ့ရတာကြောင့် သင်္ချာကို လှည့်မကြည့်ချင်တော့လောက်အောင် ဖြစ်သွားပြီး၊ ပညာလိုလားတဲ့ စိတ်နှလုံး လဲ ဂျုန်းဂျုန်းကျ ကိုယ့်ကိုကိုယ်ယုံကြည်တဲ့ စိတ်ဓါတ်တွေလည်း အကြီးအကျယ် ပြိုလဲပျက်စီးပြီး အဲဒီအချိန်ကတည်းကစလို့  သင်္ချာနဲ့  ဝေးခဲ့တာကိုး။ ထားပါဗျာ…ဒီအကြောင်းတွေ နောက်ကြုံတော့ ပြောပြပါဦးမယ်။

+-*/=+-*/=+-*/=+-*/=+-*/=+-*/=+-*/=+-*/=

ကဲ အခုတော့ Coordinate Geometry တို့  Calculus တို့  စသင်ကာစကအကြောင်းပြန်ဆက်ရရင် အဲဒီတုန်းက ကျွန်တော်တို့ ဟာ ပေးထားတဲ့ Equation ကိုသုံး၊ x-တန်ဘိုး တခုသတ်မှတ်၊ အဲဒီ x-တန်ဘိုး ကို ပုံသေနည်းထဲထည့်၊ y-တန်ဘိုးရှာ၊ အဲဒီအတိုင်း ထပ်ကာထပ်ကာလုပ်ပြီး ရလာတဲ့ x y တန်ဘိုးတွေကို သုံးပြီး Graph ပုံတွေ တော်တော်များများ ဆွဲခဲ့ ကြဘူးတယ်လေ။ အဲဒီတုန်းက အတွေ့ အကြုံတွေနဲ့ ကို ကိုယ်တိုင်လက်တွေ့ သတိထားမိခဲ့ ကြတယ်မဟုတ်လားဗျ။

နဲနဲပါးပါး ပြန်အစဖော်ပေးရင် “အက္ခရာ လက္ခဏာ ကိန်းသေ ကွင်းနှစ်ထပ်” ဆိုတဲ့ Square Form [y = (x - h)2 + k] မှာဗျာ လက်သည်းကွင်းရှေ့ မှာ အပေါင်း လက္ခဏာ ဆိုရင် upward parabola ၊ အနှုတ်ဆိုရင် downward parabola ဆိုတာလေ။

(အင်း ကျွန်တော် လူပြိန်းမှတ် မှတ်ခဲ့တဲ့ အတိုင်းဆိုရင်တော့ နှစ်ထပ် တထပ် ကိန်းသေ ပုံစံမှာ အက္ခရာနှစ်ထပ်ကိန်း ရှေ့ မှာ အနှုတ်လက္ခဏာဆိုရင် ဂငယ်-ပါရာဘိုလာ၊ အက္ခရာနှစ်ထပ်ကိန်း ရှေ့ မှာ အပေါင်းလက္ခဏာဆိုရင် ပစောက်-ပါရာဘိုလာ..ပေါ့ဗျာ။)

+-*/=+-*/=+-*/=+-*/=+-*/=+-*/=+-*/=+-*/=

[“အက္ခရာ လက္ခဏာ ကိန်းသေ ကွင်းနှစ်ထပ်”

Square Form [y = (x - h)2 + k] ရှင်းလင်းချက်အကျဉ်း]

ဥပမာ

y = 3x2 + 12x + 1

ဆိုတဲ့ Equation ကို Square Form ဖြစ်တဲ့ (x - h)2 ပုံစံ ပြောင်းကြည့်မယ်ဗျာ။

y = 3x2 + 12x + 1

y = 3(x2 + 4x) + 1

y = 3(x2 + 4x + 4) + 1

y = 3(x2 + 4x + 4) + 1 – 12

y = 3(x + 2)2 - 11

တတိယအကြောင်းက Equation နဲ့  စတုတ္ထအကြောင်းက Equation ကို တော့ သေချာလေးကြည့်ပေါ့ဗျာ။ အဲဒီမှာ အလယ်က 4x ရအောင်လို့  2 * 2 = 4 ကို (နှစ်ထပ်ကိန်း ခွဲလို့ ရအောင်) ထည့်ထားတာ။ ကွင်းနှစ်ထပ်ပုံစံ ရအောင် တမင်ဖန်တီးရတာပေါ့ဗျာ။ အဲဒီတော့ ပိုလာတဲ့ +12 ကို ကြေသွားအောင် နောက်ဆုံးမှာ -12 ထပ်ထည့်တယ်။ သူတို့ နှစ်ခုပေါင်း zero ဆိုတော့ မူလ Equation ရဲ့တန်ဘိုး မပြောင်းဘူးပေါ့။ ဒါဟာ အခြေခံ အက္ခရာသင်္ချာ မှာ ရှိတဲ့ (a + b)2 တို့  (a - b) 2 ဆိုတာလေးတွေကို ပြန်သတိရရင် ရှင်းသွားမှာပါ။ ကဲ.. အဲဒါကို သဘောပေါက်သွားရင် နောက်ဆုံးအကြောင်းက Equation ရဲ့ လက်သည်းကွင်းလေးကိုပဲ ကြည့်ဗျာ…

အဲဒီမှာ

“x” က အက္ခရာ ( x )

“+” က လက္ခဏာ

“2” က ကိန်းသေ( h )

သူတို့ ကို Square လုပ်ထားတော့ ကွင်းနှစ်ထပ်ပေါ့ဗျာ။ အဲဒီမှာ လက်သည်းကွင်းရှေ့ မှာ ရှိတာက “3”, သူ က အပေါင်းကိန်းဆိုတော့ ပေးထားတဲ့ Equation ကို သုံးပြီး ဂရပ်ဆွဲရင် ပစောက်ပုံ ပါရာဗိုလာပုံရမှာပေါ့။

+-*/=+-*/=+-*/=+-*/=+-*/=+-*/=+-*/=+-*/=

ကျွန်တော်တို့ အခုဖြေရှင်းမယ့် Equation က h = 100t – 25t2 ။ t square ရဲ့ရှေ့ မှာက အနှုတ်၊ ဒါကြောင့် ဒီ Equation ကို ဂရပ်ဆွဲရင် ဂငယ်ပုံ ပါရာဗိုလာပုံရမှာပေါ့။ တကယ်တော့လည်းဗျာ ဘောလုံးတစ်လုံးကို မြေမှာ တည်ပြီး ဘယ်လိုပဲကန်ကန် ဂငယ်ပုံမျဉ်းကွေး အတိုင်းပဲသွားမယ်ဆိုတာ ကလေးကအစသိပါတယ်။ ဒါပေမယ့် ကြုံတုန်းလေး ဆက်စပ်နေတဲ့ သင်္ချာ Information လေးတွေ ပြန်နွှေးပေးတာပါ။

+-*/=+-*/=+-*/=+-*/=+-*/=+-*/=+-*/=+-*/=

ကဲကဲ အစကိုပြန်ကောက်ကြဦးစို့ ဗျာ။ ဒီပုဒ်စာကို အက္ခရာသင်္ချာနည်း နဲ့ ဖြေရှင်းဖို့  စ စဉ်းစားတဲ့အခါ ပေးထားတဲ့ Equation ကို ကြည့်လိုက်တော့ ပုံဟာ downward-facing parabola ဖြစ်နေတဲ့အတွက် ကျွန်တော်တို့ ဟာ ဘာကို အတတ်ပြောနိုင်လဲဆိုတော့ “အမြင့်ဆုံး အမှတ် ဟာ ဒီဂရပ်ရဲ့ ခေါက်ချိုးညီ ၀င်ရိုးမှာ ရှိတယ်” ဆိုတဲ့ အချက်ပဲ။

ဒါကြောင့် အက္ခရာ သင်္ချာမှာ ရှိတဲ့ ပုံသေနည်း (The axis of symmetry is the line: x = -b/2a )ကို သုံးမယ်ဗျာ။ အဲဒီပုံသေနည်း ဘယ်လို ရလာတယ်ဆိုတာကိုလည်း နောက်ပိုင်း Calculus နဲ့ ရှင်းတဲ့အခါ ဆက်စပ်တင်ပြပါဦးမယ်။

    “ဟိုး..ဟိုး..ဟိုး …. နေပါဦး…။ “x” ကတော့ ထားပါတော့ “x” ပေါ့။ အချိန် t ကို ကိုယ်စားပြုတဲ့ x-၀င်ရိုးမှာ ခေါက်ချိုးညီမှတ် ရှိနေတဲ့ နေရာ။ ဂရပ်ရဲ့ အမြင့်ဆုံး အမှတ် Point ကို ပြတဲ့ (x, y) အတွဲက “x” ရဲ့တန်ဘိုး။ ဒါနဲ့  ပုံသေနည်း ထဲမှာ ပါတဲ့ b တွေ a တွေက ဘာတွေတုန်းဗျ..”

အိုကေ…ဒါဆိုရင် ကျွန်တော် အထက်မှာ တင်ပြခဲ့တဲ့ “နှစ်ထပ် တထပ် ကိန်းသေ” ပုံစံ Parabola Equation တွေရဲ့ ယေဘုယျပုံစံ ကို ပြန်ကောက်ကြပါစို့။




The standard form of a parabola's equation is generally expressed as

y = ax²+ bx + c




The role of 'a'

If a> 0, the parabola opens upwards. (အပေါင်း-ပစောက်)

if a< 0, it opens downwards. (အနှုတ်-ဂငယ်)

ဒါကြောင့် နှစ်ထပ်ဖြစ်နေတဲ့ အက္ခရာ ရဲ့ မြှောက်ဖော်ကိန်းက “a”

တထပ် အက္ခရာ ရဲ့ မြှောက်ဖော်ကိန်းက “b”

နောက်ဆုံးက ကိန်းသေ(constant) ကတော့ “c” ပေါ့ဗျာ။

ဒါဆိုရင် ကျွန်တော်တို့ ရဲ့ function (တနည်း) Equation က h = 100t – 25t2 ဖြစ်တဲ့အတွက်

a = 25;

b = 100;

c = 0; (မရှိတော့ သုည) ….ဒါကြောင့်

The axis of symmetry is the line: x = -b/2a ထဲမှာသက်ဆိုင်ရာတန်ဘိုးတွေ အစားသွင်းလိုက်တော့... x = 2; ရတယ်။ အဲဒီ x က အချိန် t ရဲ့တန်ဘိုးပေါ့။ ဘာအချိန်လည်း…..။ ဘောလုံးကို စ ကန်လိုက်တဲ့ အချိန်ကနေ၊ ဘောလုံးဟာ အမြင့်ဆုံးကိုရောက်ဖို့ ရောက်ဖို့ ကြာတဲ့အချိန်။ နံပါတ် ၁-ရဲ့ အဖြေပေါ့။

+-*/=+-*/=+-*/=+-*/=+-*/=+-*/=+-*/=+-*/=

ကဲ ၂-ကို ဆက်ကြစို့ ။ ဘောလုံးဟာ အချိန် 2-Seconds မှာ အမြင့်ဆုံးကို ရောက်တာဆိုတော့ ပေးထားတဲ့ Equation ထဲမှာ t တန်ဘိုး 2 ကို အစားသွင်းလိုက်ရင်…

h = 100t – 25t2

= 100(2) – 25(2)2

= 200 - 100

= 100

အချိန် 2-sec မှာ ဘောလုံးအမြင့်ဆုံးကို ရောက်ခဲ့တဲ့ အမြင့်ဟာ ပေ ၁၀၀။ နံပါတ် ၂-ရဲ့ အဖြေပေါ့။

+-*/=+-*/=+-*/=+-*/=+-*/=+-*/=+-*/=+-*/=

ကဲ နံပါတ် ၃-ကို ဆက်ကြဦးစို့  ရဲ့။ ဘောလုံးက မြေကြီးကို ပြန်ထိတဲ့ အချိန်ဆိုတော့ အမြင့် h ရဲ့တန်ဘိုး သုည ဖြစ်တဲ့အချိန်ပေါ့။ မဟုတ်ဘူးလားဗျာ။ ဒါဆိုရင်

h = 100t – 25t2

0 = 100t – 25t2

0 = 25t (4 – t)

25t = 0 နဲ့ 4 – t = 0

ဒါကြောင့်…ဘောလုံးကို စ’ မကန်ခင် မြေကြီးပေါ် တည်ထားတဲ့ အချိန် ( t = 0) နဲ့ 

ဘောလုံးကိုကန်လိုက်ပြီး ( t = 4) စက္ကန့်  ကြာတဲ့အချိန်တွေမှာ ဘောလုံးဟာ မြေကြီး နဲ့  ထိတယ် ပေါ့ဗျာ။ ဒါက Algebraic Method..။ ကဲနောက်တဆင့် Deductive Method နဲ့  ချဉ်းကပ်ကြည့်ကြဦးစို့။

(ခြိမ့်ထက်)

[ဆက်လက်တင်ပြပါမည်.......]

ဝန်ခံချက်။ ဤဆောင်းပါးပါအချက်အလက်များမှာ ကျွန်တော်၏ ကိုယ်ပိုင်တွေးခေါ်ကြံဆချက်များမဟုတ်ပါ။

AMSCO School Publications မှ ၂၀၀၈ ခုနှစ်တွင် ထုတ်ဝေသော Fundamentals of Calculus , Chapter 5, Maximum and Minimum Values of a Function နှင့်

http://jwilson.coe.uga.edu/emt725/class/sarfaty/emt669/instructionalunit/parabolas/parabolas.html တို့ကို ကိုးကား၍ တင်ပြခြင်းသာဖြစ်ပါသည်။

မင်းမှာ သစ္စာ ၊ လူမှာ ကတိ

ဖိုးတော်၏ညီတော် ပင်းတလဲးမြို့စားမင်းသားသည် ဖိုးတော်ထံ လှာပြီးလျှင် နောင်တော်-ငမောင်တို့  ယခုအခါ ကျွန်တော်တို့  ကို ကျော်လို့  ဖုံးလွှမ်းနေသည်ကို ကြည့်နေမည်လား ဟုပြောရာ ဖိုးတော်က ငမောင် ဖုံးလွှမ်းနေသည်ကို ညီခင်မတတ်နိုင်ဘူးလား ဟု မေးတော်မူရာ ညီခင်တတ်နိုင်ပါရဲ့ နောင်တော် ထီးနန်းကို စံရလျှင် ညီခင်ကို မည်ကဲ့သို့  ထားမည်လဲးမေးသော် ဖိုးတော်က အစ်ကိုနန်းစံ ညီနန်းရံပ ဟု မိန့် ချက်အရ ပင်းတလဲးမင်းသားသည် တရံရောအခါ  အင်းဝမြို့နန်းတော်သို့  အမှတ်မဲ့ဝင်၍့  ဖောင်းကားမင်းကို လုပ်ကြံရာ ဖောင်းကားမင်းကံကုန်လျှင် ဖိုးတော်ကို ပင်းတလဲးမင်းသားက ထီးနန်းသိမ်းပိုက်ရန် မင်း အဖြစ်သို့  တင်မြှောက်တော် မူလေသည်။ 

မင်းအဖြစ်သို့  တင်မြှောက်ပြီးနောက် ပင်းတလဲးမင်းသားက အထက်ကဘိ ယှိသည်အတိုင်း အိမ်ရှေ့  အရာကို အကြိမ်ကြိမ်တောင်းရာ ဖိုးတော်က ညီခင် နောင်တော်နှိုက် သားတော်ကြီးတွေ များလျက်ဖြစ်သောကြောင့် အိမ်ရှေ့  အရာကိုချီးမြှင့်ရန် ခဲယဉ်းခြင်းယှိနေကြောင်း မိန့်  တော်မူသည်ကို ပင်းတလဲးမင်းသားက ငါ့ကြောင့် နောင်တော် ထီးနန်းရသည်ကိုလျက် ကျေးဇူးမထောက် သစ္စာမရှိသူဖြစ်သည်ဟု စိတ်နှိုက်အမှတ်ထားပြီးလျင်  တနေ့ သနှိုက် ဖိုးတော်မင်းတြားကြီး ဆင်တော်စီး၍့  မြို့ ပြင်သို့ ထွက်တော်မူသောအခါ ပင်းတလဲးမင်းသားသည် ကွယ်ရာကချောင်း၍့  သေနတ်နှင့်ပစ်ရာ ဖိုးတော်မင်းတြား၏့  နံဘေးလက်ကြား ဂျိုင်းအောက်ကို ကျည်ဆန်ဝင်ထွက်သွားလေသည်။ ကိုယ် အင်္ဂါတို့  ကို တစုံတရာ မခိုက် ယှိချေသည်။

ဤအခါ နောက်ပါ ကိုယ်ရံအမှုထမ်းတို့  ၀ိုင်းဝန်းလိုက်လံဖမ်းဆီးရာ မိကြသဖြင့် ညီတော် ပင်းတလဲးမင်းသား ဖြစ်ကြောင်း သံတော်ဦးတင်ရာ ဖိုးတော်မင်းတြားက မျက်တော်မူသောကြောင့် ညီတော်ဖြစ်သော်လည်း ထောက်ညှာစရာမယှိ သွားမည်းတိုင်း လမ်းသွားရန် သုတ်သင်စီရင်ရမည် ဟု မိန့် တော်မူချက်အရ အာဏာသားတို့ က ပင်းတလဲးမင်းသားကို ရေမှာချ၍့  သတ်လေသည်။

ယင်းသည့်အကြောင်းကို ငါတို့ လက်ထက် အဖြစ်အပျက်မှန်သမျှကို  ရာဇ၀င်နှိုက် ထုတ်ဖော်၍့  မပြရဟု ဖိုးတော်မိန့် ချက်အရ  ရာဇ၀င် မဖော်မပြရပဲး  ချွင်းချန်ထားရသည် ဟု ဘုံကျော်ဆရာတော်ဘုရား မိန့်  တော် မူသော မှတ်သားချက်ပုရပိုက်ကို ဖတ်ရဘူးဧည့်။ 

(မှော်ပီဆရာသိန်းကြီး ၏ ပစပ်ရာဇ၀င် မှ မူရင်းသတ်ပုံအတိုင်း ကောက်နှုတ်ချက်)

ဖိုးတော်-----ဘိုးတော်ဘုရား(ဗဒုံမင်း)

ငမောင်-----ဖောင်းကားစားမောင်မောင်

အထက်ကဘိ-----အထက်ကတိ

[နောက်ခံအကျဉ်း။       ။ အလောင်းမင်းတရား ၏ ဒုတိယသား ဆင်ဖြူရှင်မင်းလက်ထက်၊ ဆင်ဖြူရှင်မင်းသည် ၎င်း၏သား ငစဥ့်ကူမြို့  စားအား ထီးနန်းဆက်ခံစေလို၍၊ ၎င်း၏(ဆင်ဖြူရှင်မင်း၏) ညီတော်များ(ဗဒုံမြို့ စား ဘိုးတော်ဘုရား အပါအ၀င်) အားလုံးကို အရာချ၍ တောအရပ်သို့ ပို့  ဆောင်ထားခဲ့သည်။ ထို့ ကြောင့် ဘိုးတော်ဘုရားသည် ဆင်းရဲသားများကဲ့သို့  ကိုးနှစ်တိုင်တိုင် နေထိုင်ခဲ့ရသည်။ ထိုအချိန်အတောအတွင်း စဥ့်ကူးမင်းကို ဖောင်းကားစားမောင်မောင်မှ လုပ်ကြံ၍ နန်းတက်ခဲ့သည်။

မှတ်ချက်။                 ။ ကျွန်ုပ်တို့ ရင်းနှီးသော အမတ်ကြီးဦးပေါ်ဦး ဟူ၍ ဖြစ်လာမည့်သူမှာ ဘိုးတော်ဘုရားဆင်းရဲစဉ်က အတူနေ အ်ိမ်တော်သားသုံးဦးအနက်၊  ဘိုးတော်ဘုရားမိသားစုအား မန်ကျဉ်းရွက် ရောင်းချ၍ ကျွေးခဲ့သူ အိမ်တော်သားတစ်ဦး ဖြစ်သည်။ ထို့  ကြောင့် ဘိုးတော် ဘုရင်ဖြစ်သော် ၎င်းအား ၀န်ကြီး/အမတ်ကြီး ရာထူးပေးလိုက်ခြင်းဖြစ်၏။ ကျန်နှစ်ဦးကိုလည်း ၀န်ကြီး ရာထူးများပေးခဲ့သည်။

Coding Standards Part-I

ဆောဖ့်ဝဲရေးသားထုတ်လုပ်မှုဖြစ်စဉ် (Software Development Process) တခုမှာ စမ်းသပ်စစ်ဆေးခြင်း (Testing [Unit Test, Module Test, Integration Test, etc..]) ဆိုတဲ့ အဆင့်နဲ့  ပြုပြင်မွန်းမံထိန်းသိမ်းခြင်း (Maintenance)  ဆိုတဲ့ အဆင့်တွေပါဝင်နေပါတယ်။ အဲဒီအဆင့်တွေကို လုပ်ကိုင်ဆောင်ရွက်တဲ့အခါမှာ ပရိုဂရမ်ရေးသားခြင်း (Coding/Programming/Implementation) ဆိုတဲ့အဆင့်မှာ မိတ်ဆွေတို့ ရေးသားခဲ့တဲ့ ကုဒ်(Source Code) တွေဟာ အရေးပါတဲ့ အခန်းက ပါဝင်လာပါပြီ။

ဒီ Source Code တွေလို့ ပြောတဲ့နေရာမှာ၊ ဆောဖ့်ဝဲရေးသားဖို့  အဓိကသုံးတဲ့ Major Implementation Language ( ဥပမာ Java, J5EE, C#.NET, VB.NET, C, C++ ) နဲ့  ရေးထားတဲ့ကုဒ်တွေ၊  Scripting ( ဥမမာ VBScript, JavaScript) ကုဒ်တွေ၊ Markup Language (HTML, XML, etc..) ကုဒ်တွေအပြင်၊  Query ( Structured Query Language) ကုဒ်တွေပါ အားလုံး ပါဝင်ပါတယ်။

ဒါကြောင့် Software Development Process ရဲ့  ပရိုဂရမ်ရေးသားခြင်း အဆင့် (Coding/ Programming/ Implementation Stage) မှာ မိတ်ဆွေတို့ ရေးသားခဲ့တဲ့ အဲဒီကုဒ်တွေရဲ့ ရှင်းလင်းမှု ( Simplicity and Clarity) နဲ့  ဖတ်ရှုနားလည်နိုင်စွမ်းရှိမှု ( Readability and Understandability) တွေဟာ ဆောဖ့်ဝဲတခုကို ဘယ်လိုအဆင်ပြေပြေ စမ်းသပ်စစ်ဆေးနိုင်မလဲ၊ ပြင်ဆင်တိုးချဲ့ ဖို့ လိုအပ်လာရင် ဘယ်လောက်ထိ လွယ်ကူမလဲ  ဆိုတဲ့ မေးခွန်းတွေရဲ့ အဖြေပဲပေါ့ဗျာ။ ဒါကြောင့် ကျွန်တော်တို့ ဟာ ကုဒ်ရေးသားခြင်းနဲ့  ဆိုင်တဲ့ စည်းကမ်းနည်းလမ်းတွေကို သိရှိလိုက်နာဆောင်ရွက်ကြမယ်ဆိုရင် ရေရည်မှာ အားလုံးအတွက် အကျိုးရှိနိုင်ပါတယ်။ တစ်ခု သတိချပ်ရမှာကတော့ ဒီ စံသတ်မှတ်ချက်တွေဟာလည်း “တကျောင်းတဂါထာ၊ တရွာတပုဒ်ဆန်း” ကွဲပြားနိုင်တယ်ဆိုတယ်ပါပဲ။ ဥပမာ  Sun Microsystem ကသတ်မှတ်ထားတဲ့ Java Coding Standard နဲ့  Microsoft  ကသတ်မှတ်ထားတဲ့  .NET Coding Standard တွေဟာ အနည်းငယ်တော့ ကွဲပြားမှုရှိတာပေါ့ဗျာ။ မိတ်ဆွေရဲ့ ကုမ္ပဏီမှာလည်း ကိုယ့် ကိုယ်ပိုင် သီးသန့်  သတ်မှတ်ချက်တွေ ရှိကောင်းရှိနိုင်တာပေါ့။  ဒါပေမယ့် အားလုံးသော တကယ့်အရေးအကြီးဆုံး အခြေခံအချက်အလက်တွေ သဘောတရားတွေ ကတော့ အတူတူပါပဲ။

 

Ada Lovelace 

Augusta Ada King, Countess of Lovelace

(10 December 1815 – 27 November 1852)

[ကမ္ဘာ့ ပထမဆုံး ကွန်ပျူတာ ပရိုဂရမ်မာ]

 

၁။ အမည်ပေးပုံ နည်းစနစ်များ (Naming Rules)

အမည်ဟာ အရေးကြီးပါတယ်။ ဒါဟာမိတ်ဆွေရေးသားတဲ့ Application ရဲ့ ယုတ္တိအဓိပ္ပါယ်စီးဆင်းမှု (Logical Flow) ကို နားလည်စေနိုင်ဖို့  ကောင်းကောင်းအထောက်အကူ ပြုပါတယ်။ ဒါကြောင့် အမည်ပေးတဲ့အခါ အဓိပ္ပါယ်ရှိဖို့  ဒီ Application ကို သုံးစွဲမယ့် နယ်ပယ်မှာရှိတဲ့ စကားလုံးတွေဖြစ်ဖို့  လိုအပ်ပါတယ်။ အမည်ဟာ “ဘယ်လို ဘယ်ပုံ ဘယ်နည်း (how)” ဆိုတာထက် “ဘာလဲ (what)” ဆိုတာကိုသာ တိတိကျကျ ဖော်ညွှန်းရမှာ ဖြစ်ပါတယ်။

1.1။ Class Name

အကြီးစာလုံးနဲ့  စသင့်ပါတယ်။ နာမ် (Noun) ပဲဖြစ်သင့်ပါတယ်။ မိတ်ဆွေရဲ့ Class Name မှာ စကားလုံး (Word) တလုံး ထက်ပိုရင် စကားလုံးတိုင်းရဲ့ အစစာလုံးတွေကို အကြီးစာလုံးနဲ့ ပဲ စသင့်ပါတယ်။ အဲဒီ စကားလုံးတွေအားလုံးရဲ့ စုပေါင်းအနက်ဟာလည်း နာမ် ပဲဖြစ်သင့်ပါတယ်။ ဥပမာ မိတ်ဆွေဟာ ကျောင်းတကျောင်းအတွက် Application တခု ရေးတယ်ဆိုပါစို့ ။ ဒါဆိုရင် (ဖြစ်နိုင်ခြေရှိတဲ့) Class Name တွေဟာ.. Student, Lecturer, Course, FirstYearStudent,  ExamTimeTable, ExamResult စသည်ဖြင့်ပေါ့ဗျာ။ ကိုယ့် လိုအပ်ချက်နဲ့ ကိုယ်ပေါ့။ တကယ်လို့  Class မဟုတ်ပဲ Interface ဆိုရင် ရှေ့ မှာ အိုင်အကြီးစာလုံး (Capital I) ထည့်ပေးရပါမယ်။  IStudent, ILecturer, IExamResult စသည်ဖြင့်ပေါ့။ ဘယ်နာမည်မှာမှ Space လုံးဝ မပါရပါဘူး။ Class Name, Interface Name, Function/Method/Procedure/Sub Routine Name, variable name….ဘယ်အမည်မဆို Space လုံးဝ မသုံးရ။

1.2။ Function/Method/Procedure/Sub Routine Name

စကားလုံးတလုံးတည်းဆိုရင် ကြိယာ (Verb) ဖြစ်သင့်ပါတယ်။ စကားလုံးတလုံးထက်ပိုရင် “ကြိယာ + နာမ်”  အတွဲဖြစ်သင့်ပြီး စုပေါင်းစကားလုံးရဲ့အနက်ဟာလည်း ကြိယာပဲ ဖြစ်သင့်ပါတယ်။ ဒီနေရာမှာ အကြီးအသေး (Casing) နဲ့  ပတ်သက်ပြီး Java နဲ့  C# နည်းနည်းကွဲပါတယ်။ Java မှာ အစ စကားလုံး ရဲ့ ရှေ့ ဆုံး အက္ခရာဟာ အသေးပဲဖြစ်ရပါမယ်။ C# ကတော့ အကြီးပါ[Class Name ရေးပုံနဲ့  အတူတူပါပဲ]။

ဥပမာ…

Java             public void show()

C#               public void Show()

Java             public double calculateTotalWeight(weightUnit wu)

C#               public double CalculateTotalWeight(WeightUnit wu)

getter/setter လို  function တွေရေးရင် return ပြန်မယ့် method တွေမှာ သူပြန်ပေးမယ့် အရာကို ထည့်ရေးသင့်ပါတယ်။ ဥပမာ..

Java             public String getStudentName(String rollNo)

C#               public string GetStudentName(string RollNo)

စသည်ဖြင့် စသည်ဖြင့် ပေါ့ဗျာ။ အဲဒီလို ပထမစကားလုံးကိုအသေးနဲ့ စ၊ နောက်စကားလုံးတွေကို အကြီးနဲ့  စ ပြီးရေးတဲ့ပုံစံ(Java ပုံစံ) ကို  “camel Casing” လို့ ခေါ်ပြီး၊ အားလုံးအကြီးနဲ့ စတဲ့ C# ရေးသားပုံကိုတော့ “Pascal Casing” လို့  ခေါ်ပါတယ်။

1.3။ Variable Name

Variable တွေဟာ “နာမ်”  သို့  မဟုတ် “နာမဝိသေသန + နာမ်” ပုံစံ ဖြစ်သင့်ပြီး “camel Casing” ကိုပဲသုံးသင့်ပါတယ်။ သင့်တော်မယ် လိုအပ်မယ်ထင်ရင် တွက်ချက်မှု အထူးပြုစကားလုံး (Computation Qualifiers – Avg, Sum, Min, Max, Index, etc) တွေ ထည့်သုံးသင့် ပါတယ်။ ဥပမာ MyCountry ဆိုတဲ့ Class ထဲမှာ variable တွေ ကြေငြာမယ်ဆိုပါစို့ …

private float minimumIncome;

private double maximumGoodsPrice;

private short bottomDevelopmentIndex;

စသည်ဖြင့်ပေါ့။

Boolean variable တွေအတွက် သင့်တော်မယ်ထင်ရင် “is, Is” ဆိုတဲ့ စကားလုံးထည့်သုံးသင့် ပါတယ်။ ဥပမာ

private boolean fileIsFound; (or) private boolean isFileFound;

ကိန်းသေတွေ(Java မှာတော့ final variable ပေါ့ဗျာ) ဆိုရင် အားလုံးအကြီးစာလုံးတွေနဲ့ ရေးသင့်ပြီး Word တခုနဲ့  တခုကြားမှာ underscore ထည့်ရေးပေးရပါမယ်။ ဥပမာ

public const NUM_OF_DAYS_IN_A_WEEK = 7;

ပြီးတော့ မိတ်ဆွေဟာ ဘယ်လိုအမည်အတွက်မဆို အဓိပ္ပါယ်ရှိပြီး ပြည့်စုံတဲ့ စကားလုံးတလုံးဖြစ်အောင် အားထုတ်သင့်ပါတယ်။  private int x;   ဆိုတာမို်း ၊  private string s;   ဆိုတာမို်း လံုးဝမလုပ္သင့္ပါဘူး။ ဒီ ‘x’  တို့  ‘s’  တို့ ဟာ ဘာကိုရည်ရွယ်မှန်း၊ ဘာကြောင့် ဘာအတွက် ဘယ်နေရာ မှာ သုံးမှန်း၊  ဘယ်သိနိုင်ပါတော့မလဲ။ နောက်တချက်ကတော့ အတိုကောက်စကားလုံးတွေကို တတ်နိုင်သလောက် မသုံးစွဲ ဖို့  နဲ့ ၊ သုံးစွဲရင်လည်း သတိထားပြီး သုံးစွဲဖို့ လိုတဲ့ အကြောင်းပါပဲ။ ဥပမာ မိတ်ဆွေဟာ  “min”  ဆိုတဲ့စကားလုံးကို “minimum” ဆိုတဲ့ အဓိပ္ပါယ်နဲ့  သုံးမယ်ဆိုရင်၊ ပရိုဂရမ်တစ်လျောက်လုံး အဲဒီ အဓိပ္ပါယ် အတိုင်းပဲ တသမတ်တည်း သုံးစွဲသွားဖို့ လိုပါတယ်။ Local variable အတွက်ပဲဖြစ်စေကာမူ၊ နောက်ထပ် “min”  တစ်လုံးကို၊ “minute” (မိနစ်) အတွက်ရည်ရွယ်တာဆိုပြီး ထပ်မသုံးပါနဲ့ တော့။

1.4။ Table Name

အနဲကိန်းနာမ် (Singular Noun) ဖြစ်သင့်ပါတယ်။ ဥပမာ table name ကို  Students လို့  ပေးမယ့်အစား  Student လို့ ပဲပေးပါ။ Column name တွေပေးတဲ့ အခါမှာလည်း table ရဲ့ နာမည် ထပ် ထည့်မနေပါတော့နဲ့  ။ ဥပမာ  StudentID, StudentName လို့ လုပ်မနေပဲ  ID, Name, စသည်ဖြင့် ပဲပေးပါ။ နောက်တချက် သတိပြု သင့်တဲ့အချက်ကတော့ column name တွေမှာ data type တွဲ ထည့်ပြီးမထားပါနဲ့ ။  ဥပမာ   IntID, VarCharName စသည်ဖြင့် မလုပ်ပါနဲ့ ။ တချိန်ချိန်မှာ ကိုယ့် table ရဲ့  column data type ကို ပြောင်းလဲဖို့  လိုအပ်လာတဲ့အခါ အလုပ်မရှုပ်တော့ဘူးပေါ့ဗျာ။  SQL  Server  ကိုသုံးတဲ့ Application တွေမှာ၊ stored procedure ကို   “sp-“၊   function ကို “fn-“၊  extended stored procedure ကို  “xp-“  နဲ့ စပြီး နာမည်မပေးပါနဲ့ ။ ဘာလို့ လဲဆိုတော့ System က ကြိုတင် သတ်မှတ်ရေးသားထားတဲ့ system defined stored procedure တွေ function တွေ နဲ့ ၊  မိမိရဲ့ စိတ်ကြိုက်ရေးသားထားတဲ့ user defined stored procedure  တွေ function တွေနဲ့  မရောထွေးစေဖို့ ပါ။

ဒါ့အပြင် အမည်ပေးရာမှာ အသံတူစကားလုံး(Homonyms) တွေ[ဥပမာ  write/right, etc] ၊ စာလုံးပေါင်းမှားနိုင်တဲ့စကားလုံးတွေ[check/cheque, etc]၊ ဒေသိယအသုံးအနှုန်းတွေ[color/colour, center/centre, etc] ကို ရှောင်ကျဉ်သင့်ပါတယ်။ ဒါမှသာ ကုဒ်နဲ့ ပတ်သက်ပြီး ပြန်လှန်သုံးသပ်ဆွေးနွေးမှု (Code Review) လုပ်တဲ့အချိန်  ပြောဆိုရာမှာ ဇဝေဇဝါ မဖြစ်တော့ဘူးပေါ့။

* * * * * * *  * * * * * * * * * * * * * ** * * * * * * * * * * * * ** * * * * * *

နောက်တချက်ဆွေးနွေးလိုတာကတော့ မိတ်ဆွေတို့ ကျောင်းသူ ကျောင်းသား လူငယ်များ မေ့လျော့နေတတ်တဲ့ source code အတွင်းမှာ ရေးရမယ့်၊ မှတ်ချက် မှတ်စု (Comment) တွေ အကြောင်းပါ။ ကျောင်းတွေ သင်တန်းတွေမှာ သိပ်အရေးမကြီးသလိုဖြစ်နေတဲ့ အဲဒီကိစ္စ(Comment ရေုးခြင်း) ဟာ၊ လက် တွေ့ လုပ်ငန်းခွင်မှာတော့ သိပ်ကို အရေးပါတဲ့ ကိစ္စတစ်ရပ်အဖြစ် ရှိနေပါတယ်။

(အပိုင်း နှစ်  Comment အကြောင်း ဆက်ပါဦမယ်။)

သင်္ချာအတွေးအခေါ်ဆိုင်ရာစာများ ရေးသားရပေသည့်အကြောင်း

အကျွန်ုပ်သည်ကား  “အရေအတွက် အတိုင်းအတာများကို ပြသော ပညာ”[Mathematics] နှိုက်  တဖက်ကမ်းခတ် ကျွမ်းကျင်တတ်မြောက်သူတစ်ဦးမဟုတ်။ အနှီပညာရပ်နှင့်ပတ်သက်၍လည်း “ကျမ်းကြီးကို သင်သောတိုက်”[College] မှ သက်သေခံစာချွန် [Certificate] ရရှိခဲ့သူလည်းမဟုတ်။ ကျွန်ုပ်၏ အသက်မွေးမှုမှာလည်း သိုးဆောင်းအလိုအရ ဆောဖ့်ဝဲ[Software] ဟု ခေါ်ဆိုအပ်သော အပျော့ထည် များ ကြံစည်ရေးသားခြင်းသာ ဖြစ်ပေ၏။

ထိုသို့ ဆိုလျှင် အဆွေတို့ မှ  “ဟယ်….ဘောက်မဲ့ကြောင့် ဤ အရေအတွက် အတိုင်းအတာများကို ပြသော ပညာ ရပ်နှင့်ပတ်သက်သည့် စာပိုင်းစ[Article]များ ရေးခြိမ့်ဘိသနည်း” ဟု မေးလှာပါအံ့။ ကျွန်ုပ်ဖြေပါမည်။ အကြောင်းကားဤသို့  တည်း။

မိမိ၏အသက်ကိုမွေးမြူစောင့်ရှောက်ရန်နှင့်၊ ပူဆာသော ၀မ်း အား “ကြောင်း” ရန် ကျွန်ုပ်သည် ယခု စလုံး(Singapore) တည်းဟူသော ရေပတ်လည်ဝန်းရံလျက်ရှိသည့် ကုန်းမြေကလေး တစ်ခုနှိုက် ရောက်ရှိနေဘိ၏။ ကျွန်ုပ်မှာ နားအေးပါးအေး ငြိမ်းငြိမ်းချမ်းချမ်း လွတ်လွတ်လပ်လပ် နေထိုင်လိုသောသူတစ်ဦးဖြစ်ရကား...ဆရာမွေးခြင်း၊ တပည့်မွေးခြင်း၊ အုပ်စုဂိုဏ်းဂနဖွဲ့ ခြင်း၊ ရုတ်ရုတ်ရက်ရက်ရှိလှသော အရပ်များသို့  အကြောင်းမဲ့ သွားရောက်ခြင်း၊ လူအများနှင့် အခြေအတင် ငြင်းခုံခြင်း၊ ဓိဌဓမ္မမှန်ကန်သည်ဟု ယုံကြည်သော်လည်း အငြင်းပွားဖွယ်ဖြစ်မည့်ကိစ္စရပ်များအား အခြားသူများနှင့်ဆွေးနွေးခြင်း၊ စသော မလိုလားအပ်သည့် အကျိူးဆက်များရှိတတ်သည့် အရာမှန်သမျှအား အထူးသတိထား ရှောင်ကျဉ်လျက် လည်းကောင်း၊

ရံဖန်ရံခါ စာရေးတံချခြင်း[Lottery]လက်မှတ်ကလေးများဝယ်ယူ၍ စိတ်ကူးယဉ်ခြင်း၊

ရံဖန်ရံခါ ဂျုံရေ[Beer] မှီဝဲခြင်း၊

မကြာမကြာ ကျွန်ုပ်၏ သောဠသပြည်[India] သား “ကုန်ရောင်းဘော် ဝယ်ဘက် အစု”[Company] မိတ်ဆွေတဦးနှင့်အတူ “ပြန်တီအရက်”[Brandy] ၊  “ဇင်ဖြူအရက်”[Gin] ၊ “သိုးဆောင်းဗျစ်ရည်နီအရက်”[Whiskey] စသည်တို့ အား သောက်သုံးခြင်း၊

သီတင်းတပတ်လျှင် တကြိမ်ခန့် ၊ အိုမင်းမစွမ်းပြီဖြစ်ရှာသော ရွှေနိုင်ငံတော်ကြီးရှိ ကျွန်ုပ်၏ မွေးမိခင်ထံသို့  “ဤမှာနှိုက် ကျန်းမာလိမ္မာစွာနေထိုင်လျက်ရှိပါသည့်အကြောင်း” နှင့် “ထိုမှာနှိုက် စိတ်အေးချမ်းသာ အပူအပင်ကင်းစွာ နေထိုင်ပါမည့်အကြောင်း” တို့ အား လက်ကိုင် “ဒိဗ္ဗသောတဓါတ်ခွက်”[Phone] ကိုအသုံးပြု၍ ပုံတော်သလို အသိပေးပြောကြားခြင်း၊

သောက်စားပျော်ပါး မှုများအား ခြိုးခြံဖြစ်သည့် အချို့ သော လ တို့ နှိုက် “ငွေကို သုံးသကဲ့သို့ လက်မှတ်ရေး၍ သုံးသော စက္ကူ” [Currency] များလဲလှယ်၍ ပို့ ပေးခြင်း၊ စသောအမှုတို့ ကိုပြု လျက်လည်းကောင်း၊ ပျော်ပျော်ကြီး သုံးနှစ်သုံးမိုးတိုင် နေထိုင်ခဲ့ပေသတည်း။

ထိုသို့ နေထိုင်လျက်ရှိရာတွင် ကျွန်ုပ်မှာ မဟာကံထူးရှင်ဖြစ်၍ပေလောမဆိုနိုင်…..

မိမိကိုယ်မိမိ  “စက်မှုသိပ္ပံအတတ်တို့ နှိုက် လွန်ကဲစွာကျွမ်းကျင်လိမ္မာသူ”(Engineer) အဖြစ် တမူး၊ တရွေး၊ တပဲ၊ တပြား သားမှမလျော့သော၊

မိမိတို့ သည် ဇိနတိုင်းသား(Chinese)၊ စလုံး(Singaporean)၊ ယပက်လက်(Thai)၊ ဖဦးထုပ်(Filipino)၊ ဗထက်ချိုင့်(Vietnamese)၊ ဘကုန်း(Bangla)၊ မ(Malay) စသော၊ “က” မှ “အ” အထိရှိသည့် လူမျိုးတစ်ရာ့တစ်ပါးတို့ ထက် လွန်စွာမှပင် “ပြေး” သော လူမျိုးများဖြစ်ပေထကြောင်း  နှုတ်တက်ရွရွ ရွတ်ဆိုနေကြကုန်သော၊

အဖြူကောင်(European) များပင်လျှင် “အရှိန်”နှင့် ရိုက်စား နေကြခြင်းဖြစ်ပြီး “သံ” တစ်ချောင်းကိုသော်မျှ ဖြောင့်တန်းအောင် မရိုက်တတ်ပါပဲလျက်၊ ၎င်း၏ အမှုထမ်းသက်သည်ပင်လျှင် မိမိ ခွင့်ယူခဲ့သော   ရက်များခန့် သာရှိသေးလင့်ကစား၊ မိမိကဲ့သို့  ၀ါရင့်ဂုရုတဦးအား ဆရာလာလုပ်၍ ၎င်း အဖြူကောင်များအား  “ဆော်လဗန်တေ” ချင်ကြောင်း စသည်ဖြင့်  မြည်တွန်တောက်တီး နေထဘိသော၊

အကယ်၍သာ မိမိတို့ ၏ ပညာ နှင့် လုပ်အားကိုသိမ်းရုတ်၍ ဤကျွန်းငယ်ကလေးမှ စွန့်  ခွာသွားပါက ဤ စလုံးသည် ကျီးနှင့်ဖုတ်ဖုတ်၊ သုဿာန်တစပြင်သို့  ကျန်ရစ်လိမ့်မည်ဖြစ်ပေကြောင်း ဆီမန်း မန်း နေထဘိသော၊ လွန်စွာမှပင် အရေးပါလှသည့်[VIP-Very Important Person](၎င်း တို့ အဆို)

ရွှေနိုင်ငံတော်သား မဟာပညာကျော်များနှင့် ကံကောင်းထောက်မစွာ သိကျွမ်းခွင့်ရခဲ့ပေသည်။
(ဆက်ပါဦးမည်..) 

(ခြိမ့်ထက်) 

ဝန်ခံချက်။    ။ ဤ စာပါ အင်္ဂလိပ်ဘာသာပြန်စကားလုံးများမှာ.....
မြန်မာစာပေပညာရှင် ဆရာကြီး မင်းသုဝဏ်
(၁၉၀၉ ဖေဖေါ်ဝါရီ ၁၀ ရက် ဗုဒ္ဓဟူး -၂၀၀၄ သြဂုတ် ၁၅ ရက် တနင်္ဂနွေနေ့ နံနက် ၁၁း၃၀)

၏ "လိန်း-မက္ခရာ စေတနာ" ဆောင်းပါး (The WAVES မဂ္ဂဇင်း၊ 5/08 September, 2008) တွင်        တွေ့ ရှိရသော Mr.Lane နှင့် မက္ခရာမင်းသားကြီးတို့ ၏ “ပထမဆုံး အင်္ဂလိပ်-မြန်မာ အဘိဓါန်” မှ ဘာသာပြန်ဆိုပုံများကို နှစ်သက်မြတ်နိုး၍ ယူငင်သုံးစွဲထားခြင်းဖြစ်ပါသည်။

သို့ သော်  Article, Engineer နှင့် Whiskey ဟူသော စကားလုံး သုံးလုံးအတွက်မူ၊ မက္ခရာမင်းသားကြီးစတိုင်ဖမ်း၍ ကျွန်ုပ်ထင်သလို “ကျိတ်” လိုက်ခြင်းသာဖြစ်ပေကြောင်း။

Roger Penrose ၏ လှေခါး နှင့် တြိဂံ

Seeing is believing? မြင်မှယုံကြမှာလား?....ဒါဆိုရင် မြင်ရတဲ့အရာတွေအားလုံးဟာ..မှန်ပါရဲ့လား? တကယ်တည်ရှိပါရဲ့လား? အောက်ပါပုံကို သေသေချာချာ စူးစူးစိုက်စိုက် ကြည့်လိုက်ပါဦး။

အောက်က လှေခါးပုံကိုလည်း သေသေချာချာလေ့လာလိုက်ပါဦး...။ လားရာအရပ် သွားရာအရပ် မျက်နှာမူရာအရပ်ပေါ်မူတည်ပြီး.......တသမတ်တည်း မရပ်မနား အဆုံးမရှိ ဆင်းနေတဲ့အနေအထား၊ ဒါမှမဟုတ် တသမတ်တည်း မရပ်မနား အဆုံးမရှိ တက်နေတဲ့အနေအထား ကိုတွေ့ ရပါလိမ့်မယ်။ အဲဒီလို အခြေအနေမျိုးတွေ...အမှန်တကယ်တည်ရှိနိုင်ပါရဲ့လား....။

ကျွန်တော်တို့ ရဲ့ အမြင်အာရုံကို ဘယ်လောက်ထိစိတ်ချရသလဲ.....

Penrose Stairs နဲ့  Penrose Triangle အကြောင်း..တစ်နေ့ မှာ..ဆွေးနွေးပါမယ်..။
(ခြိမ့်ထက်)

မဲ့ နှင့် မယ့်

မဲ့ နှင့် မယ့်

မင်္ဂလာပါခင်ဗျာ.....

ကျွန်တော့အနေနဲ့ ....ဒီကနေ့  အများဆုံးတွေ့ နေရတဲ့ မြန်မာစာပေဆိုင်ရာ အသုံးမှားတစ်ခုအကြောင်းဆွေးနွေးလိုပါတယ်။
အဲဒါကတော့ မဲ့ နဲ့  မယ့် ပါ။ မဲ့ ဟာမြန်မာစာပေအသုံးအနှုန်းအနေနဲ့  အဓိက သုံးမျိုးရှိပါတယ်။ အဲဒါတွေကတော့...


၁။ မရှိခြင်းအနက်...။
ဥပမာ.....
ကာရန်မဲ့ကဗျာ....(ကာရန်မပါတဲ့ ကာရန်မရှိတဲ့ ကဗျာ...)
ဘေးမဲ့တော.....(ဘေးအန္တရာယ်မရှိသော တော.....)
စားရမဲ့...သောက်ရမဲ့....(စားစရာမရှိ...သောက်စရာမရှိ....)
အရှက်မဲ့...(အရှက်မရှိ...)
ပညာမဲ့... (ပညာမရှိ)
အနှစ်မဲ့တဲ့ဘဝက အမှားယွင်းများစွာ........။
စသည်ဖြင့် နေ့ စဉ်သုံးစကားတွေထဲမှာ မဲ့ ရဲ့အနက်ကို အလွယ်တကူ မြင်တွေ့  ဆင်ခြင်နိုင်ပါတယ်။

၂။ ဒုတိယအနက်အနေနဲ့ ကတော့ မဲ့ ဟာ မျက်နှာအမူအယာပြ ကြိယာဖြစ်ပါတယ်။
မဲ့(သည်)။ (ပြုံးသည် ရဲ့ ဆန့် ကျင်ဘက်ပေါ့ဗျာ...ဒါလည်းအလွယ်တကူနားလည်နိုင်ပါတယ်...။)
မဲ့ပြုံး.....။

၃။ တတိယမြောက်အနက်အနေနဲ့ .......အပေါ်က.... ၁ နဲ့  ၂ မှာ ဥပမာတွေ့ ခဲ့ရတဲ့...မဲ့ ရဲ့....အငြင်းသဘော၊ အနှုတ်ဆောင်အနက်( Negative sense)၊ ဆန့် ကျင်ပြအနေအထား၊ Contradiction ဖြစ်နေတာတွေကို နားလည်ခံစားပြီးသကာလ မဲ့ ကို အဆိုနှစ်ခု ရှေ့ နောက် မညီ Harmony မဖြစ် တဲ့အခါ သုံးစွဲတဲ့ (ဒါပေမဲ့ ၊သို့ ပေမဲ့၊ ဆိုပေမဲ့၊ ပြောပေမဲ့၊ ရှင်းပြပေမဲ့၊ ...စတဲ့ ပေမဲ့ ဆိုတဲ့ )အပြောစကားလုံးမှာ သုံးပါတယ်။ ဒီ တတိယအသုံးကတော့ အငြင်းပွားဖွယ်ရှိနိုင်ပါတယ်။ တခါတလေ တချို့ နေရာတွေမှာ ဒါပေမယ့်....လို့ ရေးတာလည်းတွေ့ ဖူးနေကြတာကိုး။ (နောက်နောင် ဖူး နဲ့  ဘူး အကြောင်းလည်း ဆွေးနွေးပါဦးမယ်။)

မြန်မာစာစာလုံးပေါင်းသတ်ပုံကျမ်း မှာပဲဖြစ်ဖြစ်
မြန်မာအဘိဓါန်မှာပဲဖြစ်ဖြစ် မဲ့ ကို နံပါတ်နှစ်အနက်ပဲပြပါတယ်။ ပြမှာပေါ့ ၁ နဲ့  ၃ က တခြားစာလုံးတွေနဲ့ ပေါင်းသုံးတော့မှ အနက်ပေါ်လာတာကိုးခင်ဗျ။ ပညာ ဆိုတဲ့ စကားနဲ့  ရှိ နဲ့ ပေါင်းတော့ ပညာရှိ....မဲ့ နဲ့ ပေါင်းတော့ ပညာမဲ့ ...ဒါပေ နဲ့  ..မဲ့...နဲ့ ..ပေါင်းတော့မှ ဒါပေမဲ့......စသည် စသည်ဖြင့်ကိုး...။ အားလုံးအလွယ်တကူ နားလည်မြင်သာအောင် သဒ္ဒါကျမ်းဆန်ဆန်မတင်ပြပဲ....အများနားလည်တဲ့စကား၊ အများသဘောတူလက်ခံထားပြီးသားအသုံးအနှုန်း ရေးထုံးအခိုင်အမာရှိပြီးသား စကားလုံးတွေနဲ့  အနက်ကို ခွဲခြမ်းစိတ်ဖြာဆင်ချင်ယူသောနည်း ကိုသုံးပြီး ၁ နဲ့  ၃ ကိုတင်ပြထားတာပါ။

အဲဒီလိုပဲ တတယ်တမ်းကျတော့ မယ့် ဆိုတာလည်း သတ်ပုံကျမ်းတွေ အဘိဓါန်တွေမှာ တိုက်ရိုက်တော့မပါဘူးပေါ့ ။ သူက အသံပြောင်း ပုဒ်ပြောင်းလာတာဗျ။ ဘယ်ကလာလဲဆိုတော့ မယ် က လာတာပေါ့ဗျာ။ မယ် က အနာဂတ်ကိုညွှန်းတဲ့ အပြောစကား။(တခြားအဓိပ္ပါုယ်တွေလည်းရှိသေးတာပေါ့ဗျာ...ထားပါတော့။)
အရေးစကားက မည်။ စာနဲ့ ရေးတော့ သွားမည် လာမည် စားမည် သောက်မည် ပေါ့။ စကားနဲ့ ပြောတော့ သွားမယ် လာမယ် စားမယ် သောက်မယ် ပေါ့။ ဟော အခုပုဒ်ပြောင်း အသံပြောင်းပုံ ကိုကြည့်ကြစို့ ရဲ့ဗျား။ တချို့ စကားလုံးတွေကို တချို့ စကားလုံးတွေနဲ့ ပေါင်းလိုက်ရင် တချို့ စကားလုံးတွေရဲ့ အသံရော စာလုံးပေါင်းပါ ပြောင်းသွားတယ်ခင်ဗျ။.... အိမ်း...တော်တော်ရှင်းပါပေတယ်ကျေးဇူးရှင်ရယ်...လို့  ဆန္ဒမစောလိုက်ပါနဲ့ ဦး။ ကျွန်တော် ဥပမာတင်ပြပါ့မယ်။

မောင်မောင် ဆိုတဲ့ နာမည်နဲ့  သည် ကို အား ....စတာတွေနဲ့  ပေါင်းပြီးဆိုကြည့်လိုက်ဗျာ။

မောင်မောင်သည်...................။
မောင်မောင့်ကို ပြောလိုက်ကွာ။
မောင်မောင့်အား ပြောကြားပါလေ။

စသည်ဖြင့် စသည်ဖြင့်ပေါ့ဗျာ။ ဒီလောက်ဆိုရှင်းပါတယ်။ မိတ်ဆွေတို့ ဟာ အရိပ်ပြအကောင်ထင်တဲ့ ပညာရှိတွေပါ။

ခုကျွန်တော်တို့ အနာဂတ်ကာလပြ (အရေး)ကြိယာတချို့ ရေးကြည့်ရအောင်....။
ဥပမာ....
ခရီးသွားမည်။
အစာစားမည်။
အပင်စိုက်မည် ဆိုပါတော့ဗျာ..။ ဒါတွေကို စကားနဲ့ ပြောတော့ ခရီးသွားမယ် ။ အစာစားမယ် ။ အပင်စိုက်မယ်..........ပေါ့။

ကဲ...နောက်တစ်ဆင့်တက်ပြီး ကျွန်တော်တို့  ကြိယာ နဲ့  နာမ် နေရာ ပြောင်းကြည့်ရအောင်။
သွားမည် + ခရီး = သွားမည့်ခရီး
စားမည် + အစာ = စားမည့်အစာ
စိုက်မည် + အပင် = စိုက်မည့်အပင်...........။ဒီနေရာမှာ အနာဂတ်ပြစကားလုံး မည် ရဲ့အသံရော စာလုံးပေါင်းပါ ပြောင်းလာတာ.မိတ်ဆွေတို့ ....သတိထားမိမှာပါ။

ကဲ အခု... အရေးစကားလုံး မည် ရဲ့နေရာမှာ အပြောစကားလုံး မယ်နဲ့ အစားထိုးကြည့်လိုက်ဗျာ။

သွားမယ် + ခရီး = သွားမယ့်ခရီး
စားမယ် + အစာ = စားမယ့်အစာ
စိုက်မယ် + အပင် = စိုက်မယ့်အပင်...........................ဒီလိုပဲ ပြောင်းမလာသင့်ပေဘူးလားခင်ဗျာ။

ဟေ့ ဒို့ က အဲဒိလိုမပေါင်းဘူးကွ။ မဲ့ ပဲ...မဲ့ ပဲ ဆိုရင်...ရေးထုံးသဒ္ဒါအခိုင်အမာရှိပြီးသား လူတိုင်းသိရှိနားလည်သဘောတူ လက်ခံထားပြီးသား ကျွန်တော် အထက်ကတင်ပြခဲ့တဲ့ နံပါတ်တစ်ဥပမာမှာပါတဲ့စကားလုံးတွေနဲ့ ယှဉ်ထိုးပြီးစဉ်းစားကြပါစို့ ။

သွားမဲ့ခရီး (သွားခြင်းမရှိသောခရီး၊ မသွားသောခရီး.........(သို့ ) သွားမရှိသော အဘိုးအိုတစ်ဦး၏ ခရီး) ..........................
တော်တော်လေးတော့....တော်တော်ကြီးကို ဂွ ကျကုန်ပြီဗျို့ ။

ဒါကြောင့်....အချုပ်ဆိုရသော်(မြစ်ကြီးနား...က အဆိုးဆုံးလို့ တော့ မလုပ်ပါနဲ့ ဗျာ...).....မကြာမီပြုလုပ်ဆောင်ရွက်ဖို့  စိတ်ကူးရည်ရွယ်ချက်နဲ့ အနာဂတ်ကာလ ကို အပြောစကားနဲ့  ညွှန်းတဲ့အခါ....မယ့်ကို သုံးစွဲသင့်ပါကြောင်း.....။

ဥပမာ.....
မနက်ဖန် ခရီးထွက်မယ်..ဆို။ သွားမယ့်ခရီး..ဖြောင့်ဖြူးပါစေ။
ကျွန်တော်....အခုတင်ပြမယ့်အကြောင်းအရာကတော့.........။
ပို့ မယ့်ပို့ ...ကတို့ (ကူးတို့ )ထိရောက်အောင်ပို့ ။
စားမယ့်စားရင်တော့ ...အ၀သာ စားဟေ့။
(ခြိမ့်ထက်)

ဝိဘစ္ဆည

"၀ိဘစ္ဆည"

ခွာသံဖြောင်းဖြောင်းနဲ့ 
ဖုန် ထောင်းထောင်းထ
မှန်ကွဲစတွေမြောင်းထဲဘရပွ
အမှိုက်ဟောင်းတွေကိုဆေးသ
လုပ်ဇာတ်ကတဲ့ ည။



ကောင်းကင်မြတ်နိုးတဲ့ ငှက်တစ်ကောင်
သွေးဆာဝံပုလွေထောင်သောင်း

“ငတေ” ပေါင်းအသင်္ချေ။

လည်ပင်းမှာ ပုတီးဆွဲ
ဇါတ်ဆရာမြေခွေးရဲ့လက်ထဲ
ဓမ္မခေါင်းလောင်းက အက်ကွဲလို့ ။

တရားစီရင်ချက်တခန်းပေါ့
"လိုင်စင်မဲ့ပျံသန်းမှု" တဲ့
တောင်ပံချိုး ခြေထောက်ဖြတ်
နှုတ်သီးကို သော့အထပ်ထပ်ခတ်
မျက်ခွံကို ဂဟေဆော်၊ သံရည်ဖျော်နားထဲလောင်း
ဦးခေါင်းခွံလွန်နဲ့ ဖေါက်၊ ဦးဏှောက်အဆိပ်ရည်စိမ်
သူ့ ရဲ့..
ရွှေရောင်ပြက္ခဒိန်တွေ မီးသင်္ဂြိုဟ်စက်ထဲပို့ ။

စက်ရုပ်တချို့ က လက်ခုပ်တီးပေးနေတုန်း
မိခင်တို့ ရဲ့ နှလုံးသားနဲ့ ပါးပြင်
မနားတမ်းခရီးနှင်မြစ်ချောင်းတွေက
အရှိန်ပြင်းပြင်း စီးဆင်းလို့ ။
(ခြိမ့်ထက်-၉၈)

သင်္ချာ ငိုချင်း (အပိုင်း-၃)

သင်္ချာ နှင့် ယဉ်ကျေးမှု

ပထမဆုံး နားလည်ထားရမှာက သင်္ချာဆိုတာ အနုပညာတရပ်ဖြစ်တယ် ဆိုတာပဲဗျ။ အဲ.. သင်္ချာ နဲ့ တခြားအနုပညာရပ် တွေဖြစ်ကြတဲ့ ပန်းချီတို့ ဂီတတို့နဲ့ကွာတဲ့ အချက်ကတော့၊ ကျွန်တော်တို့ ရဲ့  ယဉ်ကျေးမှုက သင်္ချာကို အနုပညာတရပ်အဖြစ် အသိအမှတ်မပြုတာပဲ။ ကဗျာဆရာ၊ ပန်းချီဆရာ နဲ့  ဂီတပညာရှင် တွေဟာ စကားလုံးတွေ၊ ပုံရိပ်တွေ နဲ့ အသံတွေကို အသုံးပြုပြီး  သူတို့ ရဲ့အနုပညာကို ဖော်ပြကြတယ်ဆိုတာ ကိုတော့ လူတိုင်းကနားလည်တယ်။ 

တကယ်တန်း ကျွန်တော်တို့  လူ့  အသိုင်းအဝိုင်းက ဖန်တီးတည်ထွင်မှုပါတဲ့ အရာတွေကို လုပ်ဆောင်ကြတဲ့ ဗိသုကာသမားတွေ၊ စားတော်ကဲတွေ အပါအဝင် ရုပ်သံဒါရိုက်တာတွေကို အနုပညာရှင်တွေအဖြစ် လိုလိုလားလားသတ်မှတ်နိုင်ကြသေးရင်၊ သင်္ချာပညာရှင်တွေရော အနုပညာရှင်တွေအဖြစ် ဘာလို့  မသတ်မှတ်နိုင်ရမှာလဲဗျာ။

ပြဿနာတစိတ်တပိုင်းကတော့ သင်္ချာပညာရှင်ဘာလုပ်သလဲဆိုတာ ဘယ်သူကမှ ပါးပါးလေးတောင် မသိကြတာပဲ။ သင်္ချာပညာရှင်ဆိုတာ သိပ္ပံပညာရပ်နဲ့ ပတ်သက်သူ၊ သိပ္ပံပညာရှင်တွေကို သူတို့ ရဲ့ သင်္ချာပုံသေနည်းတွေသုံးပြီးအကူအညီပေးနေသူ၊ ကိန်းဂဏန်းကြီးကြီးမားမား တွေကို တွက်ဖို့ ချက်ဖို့  ကွန်ပြူတာစနစ်ထဲ ထည့်သွင်းပေးသူအဖြစ်၊  အများက ယေဘုယျအားဖြင့် ထင်မြင်ယူဆကြတယ်။ တကယ် လို့ များ  လူတွေကို “စိတ်ကူးယဉ် အတွေးသမားတွေ”   နဲ့    “လက်တွေ့ ကျကျ တွေးခေါ်သူတွေ” ဆိုပြီး နှစ်အုပ်စု ခွဲလိုက်ရင်၊ အများစုက သင်္ချာပညာရှင်တွေကို  ဒုတိယအုပ်စုထဲထဲ့ကြမယ်ဆိုတာ မေးနေစရာတောင် လိုမယ်မထင်ပါဘူးဗျာ။

တကယ်တန်းက လောကကြီးမှာ၊ သင်္ချာပညာလောက် စိတ်ကူးယဉ်ဆန်တာ၊ ကဗျာဆန်တာ၊ အပြောင်းအလဲကိုလိုလားတာ၊ အကြီးအကျယ်ပြောင်းလဲစေနိုင်တာ၊ ထူးထူးဆန်းဆန်းစိတ်ကူးမိစေတာမျိုး ဘယ်အရာမှ မရှိဘူး။ သင်္ချာဟာ စင်္ကြာဝဠာဗေဒတို့ ၊ ရူပဗေဒတို့ လို နက်နက်နဲနဲ စိတ်ကူးတွေးခေါ်ရတဲ့ အလုပ်မျိုးဖြစ်သလို၊ ကဗျာ ပန်းချီ ဂီတ စတဲ့ ရုပ်ဝတ္ထုအပေါ်အများကြီးမှီခိုနေရတဲ့ အနုပညာတွေထက်ကို သင်္ချာက တွေးရတာပိုပြီး လွတ်လပ်မှုရှိ တယ်။ ဥပမာ တွင်းနက်(Black Hole) ဆိုတာကို နက္ခတ္တဗေဒပညာရှင်တွေ ရှာမတွေ့ ခင် အချိန်ကတည်းက သင်္ချာပညာရှင်တွေ ကမှန်းဆတွေးခေါ်ခဲ့ကြပြီးပြီ။ တကယ်တော့ သင်္ချာဆိုတာ အနုပညာအစစ်ဆုံးနဲ့  နားလည်မှုအလွဲခံရဆုံးအရာတစ်ခုပါပဲဗျာ။

ဒါကြောင့် သင်္ချာဆိုတာ ဘာ၊ သင်္ချာပညာရှင်က ဘာတွေလုပ်တယ် ဆိုတာကို တတ်နိုင်သလောက် ကြိုးစားပြီး ရှင်းပြပါရစေ။ ဒီနေရာမှာ ထင်ရှားတဲ့ အင်္ဂလိပ်သင်္ချာပညာရှင် Godfrey Harold “G. H.” Hardy FRS (7 February 1877 – 1 December 1947) [ပုံ] ရဲ့ အကောင်းဆုံး အဓိပ္ပါယ်ဖွင့်ဆိုချက် နဲ့  စပါရစေ။

“သင်္ချာပညာရှင်ဆိုတာ ပန်းချီဆရာတို့ ကဗျာဆရာတို့ လိုပဲ ‘ပုံစံ’ တွေကို ဖန်တီးတည်ဆောက်သူဖြစ်တယ်။  တကယ် လို့ သင်္ချာပညာရှင် ဖန်တီးတည်ဆောက်တဲ့ ပုံစံဟာ  ကဗျာဆရာတို့ ပန်းချီဆရာတို့ တည်ဆောက်တဲ့ ပုံစံ ထက် ပိုမို ရှည်ကြာစွာ တည်တံ့နေမယ်ဆိုရင်၊  အဲဒီ ပုံစံဟာ ‘စိတ်ကူးစိတ်သန်း’ နဲ့ တည်ဆောက်ခဲ့ လို့ သာဖြစ် တယ်”

[A mathematician, like a painter or poet, is a maker of patterns.  If his patterns are more permanent than theirs, it is because they are made with ideas.]

ဒါဆို သင်္ချာပညာရှင်ဆိုတာ စိတ်ကူးပုံစံ တွေ တည်ဆောက်နေသူပေါ့။ ဘယ်လိုပုံစံတွေလဲ…။ ဘယ်လို စိတ်ကူးစိတ်သန်း မျိုးတွေလဲ။ ‘ကြံ့’ တွေနဲ့ ပတ်သက်တဲ့ စိတ်ကူးတွေလား…။

မဟုတ်ပါဘူးဗျာ..။ အဲဒီဟာက ဇီဝဗေဒပညာရှင်ရဲ့ အလုပ်ပါ။

ဒါဆို ဘာသာစကား တို့  ယဉ်ကျေးမှုတို့ နဲ့  ဆိုင်တာတွေလား။

ဒါလည်း မဟုတ်သေးပါဘူးဗျာ။ ဒီအကြောင်းအရာတွေဟာ အများစုသော သင်္ချာပညာရှင်တွေ  သိပ်ခံတွင်းမတွေ့ လှတဲ့၊ သိပ်ရှုပ်ထွေးလွန်းပြီး အလှမ်းဝေးတဲ့ အရာတွေပါ။

တကယ်လို့ များ သင်္ချာပညာရဲ့ အလှပဆုံး စည်းမျဉ်းတွေကို တစုတဝေးတည်း လုပ်နိုင်မယ်ဆိုပါစို့ ။ ဒါဆိုရင် အဲဒါဟာ ‘အရိုးရှင်းဆုံးဟာ အလှပဆုံးပါ’ ဆိုတာသာဖြစ်လိမ့်မယ်။ သင်္ချာပညာရှင်တွေဟာ ‘ ဖြစ်နိုင်သမျှ အရိုးရှင်းဆုံးသောအရာတွေ’  အကြောင်း တွေးရတာ နှစ်ခြိုက်မှုရှိကြတယ်။ အဲဒီ ‘ ဖြစ်နိုင်သမျှ အရိုးရှင်းဆုံးသောအရာတွေ’  ဟာလည်း တကယ်တော့  ‘စိတ်ကူးယဉ်ပုံရိပ်တွေ’ ပဲဗျ။

(ဆက်ပါဦးမည်...။)

(ခြိမ့်ထက်)

သင်္ချာငိုချင်း(အပိုင်း-၄)မျှော်....

Mathematical Association of America မှ သင်္ချာနှင့် သင်္ချာပညာသင်ကြားရေးဆိုင်ရာ သုတေသနပညာရှင် Paul Lockhart ၏ A Mathematician’s Lament ကို ဆီလျော်အောင်ဘာသာပြန်ဆိုသည်။ မူရင်းလေ့လာလိုသူများ 

http://www.maa.org/devlin/LockhartsLament.pdf  တွင်ရှု။

သင်္ချာ ငိုချင်း (အပိုင်း-၂)

ကြေကွဲပန်းချီ

ကျွန်တော်(ပန်းချီဆရာ)ဟာ ပန်းချီဆေးဗူးမရှိ၊ ပန်းချီဆွဲတဲ့ Canvas Stand မရှိတဲ့၊ ပန်းချီစာသင်ခန်းတခုထဲ ရောက်နေတာ အံ့အားသင့်စွာ တွေ့ လိုက်ရတယ်။ “အထက်တန်းမရောက်မချင်းတော့ လက်တွေ့ ဆွဲရဦးမှာ မဟုတ်သေးဘူးဗျ”..လို့ ကျောင်းသားတွေက ပြောကြတယ်။ “ခုနစ်တန်း အဆင့်လောက်မှာတော့ ကျွန်တော်တို့  ဟာ အရောင်တွေနဲ့  ၊ ရေးချယ်ရာမှာသုံးတဲ့စုတ်တံတွေ အကြောင်း အဓိထား လေ့လာကြတယ်ဗျ..” လို့ ပြောရင်း၊ ကျောင်းသားတွေက သူတို့  သင်ခန်းစာ ပုံကြမ်းစာရွက်ကိုပြတယ်။ အဲဒီမှာ တဖက်က အကွက်ထဲမှာ အရောင်ချယ် ထားပြီး၊ ကပ်လျက် အလွတ်ပေးထားတဲ့ အကွက်ထဲမှာ အဲဒီအရောင်နာမည်ကို ကျောင်းသားတွေ ကရေးဖြည့်ရတယ်။

“ကျွန်တော် ပန်းချီဆွဲရတာ ကြိုက်တယ်… ဆရာတွေက ဘာလုပ်ရမယ်လို့  ပြောတယ်၊ ကျွန်တော်က အဲဒီအတိုင်းလိုက်လုပ်လိုက်တယ် …. လွယ်ပါတယ်ဗျာ..” လို့  ကျောင်းသားတယောက် က မှတ်ချက်ပြုပါတယ်။ အတန်းပြီးတော့ ကျွန်တော်ဟာ ဆရာတယောက်နဲ့ စကားပြောကြည့်ပါတယ်။

[ မက္ကဆီကန် ပန်းချီဆရာမ

"ဖရီဒါခါလို" Frida Kahlo de Rivera

 (July 6, 1907 – July 13, 1954)  ၏ လက်ရာ]

"Without Hope"

“ဒါဆို..ခင်ဗျာ့ကျောင်းသားတွေက ဘာပုံမှ မဆွဲဘူးပေါ့ ?..”။

“ရှေ့နှစ်မှာတော့ ကျောင်းသားတွေအတွက် ‘ကိန်း ဂဏန်းများနှင့် စမ်းသပ်ဆွဲသားခြင်း’ ဆိုတဲ့ သင်ခန်းစာ စတော့မှာပါ။  ဒါဟာ သူတို့ အထက်တန်းအဆင့်မှာ ဆက်တိုက် ကြုံရမယ့် ‘ကိန်းဂဏန်းများနှင့် ရေးချယ်ခြင်း’ ဆိုတာအတွက် မိတ်ဆက်ပေါ့။ ဒါကြောင့် သူတို့  တတွေ အခုလေ့လာနေရတာတွေနဲ့  နောက်တော့အကျွမ်းတဝင်ဖြစ်လာပြီး လက်တွေ့ ဆွဲတဲ့အချိန်မှာ ကောင်းကောင်း  အသုံးချနိုင်လာကြမှာပါ.. ဆေးခွက်ထဲကို စုတ်တံနှစ်ပြီး စနစ်တကျ ဆွဲချလိုက်နိုင်တာမျိုးပေါ့ဗျာ..။ တကယ်တော့ ကျွန်တော်တို့ ဟာ ကိုယ့်ကျောင်းသားတွေရဲ့ စွမ်းရည် အပေါ်မှာလည်း မျက်ခြေမပြတ်လေ့လာပါတယ်။ အတော်ဆုံး ပန်းချီသမားဆိုတာ အရောင်တွေအကြောင်းနဲ့ ၊သူ့ ရဲ့ စုတ်တံကို ရှေ့ နောက် ဘယ်လို ဆွဲရမယ်ဆိုတာ ကောင်းကောင်းသိတဲ့ သူမျိုးပဲဗျ… သူတို့ ဟာ မကြာခင်အချိန် အတွင်းမှာ တကယ်လက်တွေ့  ဆွဲကြရတော့မှာပါလေ..။ တချို့ ဆိုရင် ကောလိပ်ကောင်းကောင်း ၀င်ခွင့်ရကြဖို့  ပိုအဆင့်မြင့်တဲ့ အတန်းတွေကိုတောင် အခုကတည်းက တက်နေကြပြီ ..။ ဒါပေမဲ့ များသောအားဖြင့်တော့ ကျွန်တော်တို့  ဟာ ဒီကလေးတွေအားလုံးကို ပန်းချီဆိုတာဘာလဲဆိုတဲ့ အခြေခံကောင်းကောင်း ရသွားစေဖို့   ကြိုးစားနေကြတာပဲ။        ဒါကြောင့် ဒီကထွက်သွားပြီး လက်တွေ့  လောကထဲရောက်တဲ့အခါ၊ သူတို့ ရဲ့ မီးဖိုချောင်ပုံကို သူတို့  ရှင်းရှင်းလင်းလင်း ဆွဲနိုင်သွားမှာပါ..။”

“ဟို….ခင်ဗျားပြောတဲ့ အထက်တန်းဆင့်………………….”

“ဪ……‘ကိန်းဂဏန်းများနှင့် ရေးချယ်ခြင်း’ ဆိုတာကို ပြောတာလား။ ကျောင်းသားတွေ လှိမ့် ပြီး စာရင်းသွင်းကြတဲ့ အတန်းပေါ့ဗျာ…။ အထူးသဖြင့် ကျောင်းသားမိဘတွေကိုယ်တိုင်က သူတို့ ကလေးတွေ ကောလိပ်ကောင်းကောင်း ၀င်ခွင့်ရဖို့  ထားကြတဲ့ အတန်းကိုး။  ဘယ် အထက်တန်း အမှတ်စာရင်းကမှ ‘အဆင့်မြင့် ကိန်းဂဏန်းများနှင့် ရေးချယ်ခြင်း’ လောက် မကောင်းဘူးဗျ..။”

“ဘာလို့  ဒီလိုနံပါတ်တပ်ထားတဲ့အကွက်ထဲကို သက်ဆိုင်ရာအရောင် ရေးဖြည့်ပေးရတဲ့ကိစ္စ ကို ကောလိပ်တွေက အလေးထားနေရတာလဲဗျ..။”

“ယုတ္တိနည်းကျကျတွေးရင် ရှင်းပါတယ်ဗျာ…။ ဆိုပါတော့ ကျောင်းသားတွေဟာ ဖက်ရှင်တို့ ၊ အတွင်းပိုင်းမွန်းမံပြင်ဆင်ချယ်သခြင်း တို့ လို အမြင်သိပ္ပံပညာရပ်[Visual Science]နဲ့ ဆိုင်တဲ့ ဘာသာရပ်တွေ လေ့လာတော့မယ်ဆိုရင် အခု အထက်တန်းဆင့်မှာ သင်ခဲ့ရတာတွေက သိပ်အသုံးဝင်လာတာပေါ့..။”

“သဘောပေါက်ပါပြီဗျာ…ဒါနဲ့ … ဘယ်အချိန်လောက်မှာ ကျောင်းသားတယောက်ဟာ ကင်းဗတ်စ်[Canvas] အလွတ်တခုပေါ်မှာ သူ့ စိတ်ကြိုက် လွတ်လွတ်လပ်လပ် ရေးဆွဲနိုင်မလဲဗျာ...”

(ပုံ။ အမေရိကန် ပန်းချီဆရာ Jackson Pollock )

“ဟာ…ခင်ဗျားက..  ကျွန်တော့ ပါမောက္ခတယောက်ရဲ့ လေမျိုး ပါလားဗျ…။သူအမြဲပြောပြောနေတဲ့   ကိုယ့်ရဲ့အကြောင်းနဲ့  ကိုယ့်ခံစားချက်တွေကို ဖော်ပြဖို့ ဆိုတဲ့  လက်ဆုပ်လက်ကိုင် ပြမရတဲ့ ဟာမျိုးတွေပဲ..။ ကျွန်တော်ကိုယ်တိုင်လည်း ပန်းချီပညာနဲ့  ဘွဲ့ ရထားတဲ့သူပါဗျာ..။ ဒါပေမယ့် ခင်ဗျားပြောသလို ကင်းဗတ်စ် အလွတ်တွေ ဘာတွေပေါ်မှာ သိပ်များများစားစား မဆွဲခဲ့ဖူးပါဘူး..။ ကျောင်း ဘုတ်အဖွဲ့ က ပန်းချီသင်တန်းတွေအတွက် ပေးထားတဲ့  ‘ကိန်းဂဏန်းများနှင့် ရေးချယ်ခြင်း’ ဆိုတဲ့ ဟာတွေပဲ သုံးခဲ့တာပဲဗျ..။”

*******************

ဝမ်းနည်းစရာကောင်းတာက ကျွန်တော်တို့ ရဲ့ လက်ရှိ သင်္ချာပညာရေးစနစ်ဟာ အခုလို အိပ်မက်ဆိုးမျိုးတွေအတိုင်း ထပ်တူထပ်မျှဖြစ်နေတာပါပဲ။ တကယ်လို့ သာ ကျွန်တော်ဟာ ကလေးတယောက်ရဲ့ သဘာဝစူးစမ်းလိုစိတ်နဲ့  ပုံစံတကျဖန်တီးရတာတွေကိုချစ်မြတ်နိုးတဲ့စိတ် ကို အမြန်ဆုံးနည်းနဲ့ ဖျက်ဆီးပစ်နိုင်မယ့် နည်းစနစ်တခု ရှာရမယ်ဆိုရင်၊ အခုလက်ရှိ သင်္ချာပညာရေးက လုပ်ဆောင်(ဖျက်ဆီး)နေသလောက်တောင် လုပ်(ဖျက်ဆီး) နိုင်မယ်မထင်ပါဘူးဗျာ….။ အဓိပ္ပါယ်ကင်းမဲ့မှု နဲ့  စိတ်နှလုံးကို ဂျုန်းဂျုန်းကျသွားအောင် ချေမွ ဖျက်ဆီးပစ်လိုက်မယ့်စိတ်ကူးတွေ နဲ့ ဖွဲ့  စည်းထားတဲ့ ဒီ ခေတ်ပြိုင် သင်္ချာပညာရေးအကြောင်းကို တွေးကြည့်  လို့ တောင် မရနိုင်လောက်အောင်ကိုပါပဲ။

တခုခုမှားနေတယ်ဆိုတာတော့ လူတိုင်းသိတယ်။ နိုင်ငံရေးသမားတွေက “ပိုအဆင့်မြင့်တဲ့ စံချိန်စံညွှန်းတွေ လိုတယ်..” လို့ အော်တယ်။ ကျောင်းတွေက “ငွေကြေးနဲ့  ပစ္စည်းကရိယာတွေ ပိုမိုလိုအပ်တယ်..” လို့  ပြောတယ်။ ပညာရှင်တွေကတမျိုးမိန့် တယ်…ဆရာတွေက နောက်တမျိုးဆိုတယ်..။သူတို့  အားလုံးမှားတယ်ဗျ။ ဘာတွေဖြစ်နေသလဲဆိုတာကို အကောင်းဆုံးနားလည်တဲ့သူတွေဟာ၊  အများဆုံး အပစ်ပုံချခံရပြီး သူတို့  စကားကို အနည်းဆုံးပဲ နားထောင်ခြင်းခံရတဲ့သူတွေ ဖြစ်နေတယ်။ သူတို့ ဟာ ကျောင်းသားတွေ ပဲ။ သူတို့  ကပြောတယ်။ “သင်္ချာအတန်းတွေတက်ရတာ… လုံးလုံး အသုံးမကျတဲ့အပြင် သိပ်ကို ငြီးငွေ့စိတ်ပျက်ဖို့ကောင်းတယ်ဗျာ…” တဲ့။ မှန်တယ်ဗျ။

သင်္ချာငိုချင်း(အပိုင်း−၃)။ သင်္ချာ နှင့် ယဉ်ကျေးမှု ([ဆက်လက်ဖတ်ရှုရန်..])

ကဲကုလပ်စ်သင်္ချာနှင့် နောက်ခံသဘောတရားများ

ကျွန်ုပ်တို့ နှင့် ကဲကုလပ်စ် (Calculus) သင်္ချာ 

လူ့ အသိတရားရဲ့အသီးအပွင့်တစ်ခုအဖြစ် မှတ်တိုင်သစ်စိုက်ထူနိုင်ခဲ့တဲ့၊ နယ်ပယ်ပေါင်းစုံမှာ ထဲထဲဝင်ဝင် အသုံးချနေတဲ့၊ အဆင့်မြင့် Theory တွေ အတွေးအခေါ်တွေ အသစ်အသစ်သော ပညာရပ်တွေကို အကောင်းဆုံး ချဉ်းကပ်နားလည်နိုင်စေမယ့် ဒီ Calculus သင်္ချာပညာရပ်ကို ကျွန်တော်တို့  ဘယ်ပုံဘယ်နည်း စတင် ထိတွေ့ သင်ယူခဲ့ကြပါသလဲ။

ဒီကနေ့ ကျွန်တော်တို့ ထိတွေ့ သင်ယူခဲ့ကြတဲ၊့ သင်ယူနေကြတဲ့ Calculus ဟာ တကယ်တော့ သင်္ချာပညာရဲ့ လှပမှု နဲ့  သင်္ချာပညာရေးရဲ့ အကျည်းတန်မှုပြယုဒ်တစ်ခုဖြစ်နေပါတယ်။ မှန်ပါတယ်.. ကံမကောင်း အကြောင်းမလှစွာပဲ သင်္ချာပညာရေးမှာ ဘာတွေမှားယွင်းနေသလဲဆိုတာကို Calculus က အကောင်းဆုံးသက်သေခံနေသလိုပါပဲ။ 

အပြင်လောကနဲ့ ဆက်စပ်မရတဲ့ပုစ္ဆာတွေ၊ ပုံစံသေဖြစ်နေတဲ့ သင်ခန်းစာတွေ၊ ရှုပ်ထွေးပြီးနားလည်ဖို့  ခက်ခဲတဲ့သက်သေပြချက်တွေ၊ ဘုမသိ ဘမသိအလွတ်မှတ်ထားရတဲ့ သင်္ကေတတွေ နဲ့  ဘယ်ကဘယ်လိုပေါ်လာမှန်းမသိတဲ့ ပုံသေနည်းပေါင်းသောင်းခြောက်ထောင်ဟာ ကျွန်တော်တို့  ရဲ့ ကျိုးကြောင်းဆင်ခြင်တုံတရားနဲ့  ဆက်စပ်နားလည်သဘောပေါက်မှု ကိုအလဲထိုးအနိုင်ယူသွားပါတော့တယ်။

ဒါကြောင့်လဲ ကျွန်တော်တို့ ရဲ့ အဆင့်မြင့်ပညာအဆင့် ဖြစ်တဲ့   တက္ကသိုလ်၊ ကောလိပ် နဲ့  သက်မွေး အင်ဂျင်နီယာ သိပ္ပံတွေမှာ (ဒီ “အဆင့်မြင့်ပညာ” ဆိုတဲ့စကားလုံးသုံးရတာ ကျွန်တော်အနေနဲ့  လိပ်ပြာမလုံပါ။) မိမိရဲ့အထူးပြုဘာသာရပ်ပေါ်မူတည်ပြီး၊ အနည်းဆုံး ၂-နှစ် ကနေ၊ ၃-၄-၅ နှစ်ထိ သင်ယူခွင့်ရခဲ့ကြတဲ့ ဒီ Calculus သင်္ချာပညာရပ်ဟာ၊ ကျောင်းပြီးလို့  အလုပ်ထဲ(စာသင်တာကလွဲလို့ )ရောက်တဲ့အချိန်ကစပြီး “မြုပ်လေချည့်ပေါ်မလာ”၊  “နေလာနှင်းပျောက်” ဖြစ်ပြီး “တချုံကွယ် တမယ်မေ့” ကာ “တစိမ်းပြင်ပြင်” ဘ၀ရောက်ရပါတော့တယ်။

ကျွန်တော်က အဲဒီလိုဆိုတဲ့အခါ၊ တကယ့်ကိုအနဲစုဖြစ်တဲ့၊ နဲနဲ ခပ်စွာစွာလူတဦးတလေကသာ “ဟာ…Calculus..ကတကယ်အသုံးဝင်တာပေါ့..ဒီလောက်နေ့ စဉ်ဘ၀တွေမှာ သုံးစွဲနေတာဗျာ၊ ခင်ဗျားကြိုက်တဲ့နေရာကြည့် Calculus  နဲ့ မလွတ်ဘူး၊ ခင်ဗျားအလုပ်ကို ကားမောင်းသွားတာကအစ၊ ဂွတခု ကျပ်တာကအစ၊ လေယာဉ်မောင်းတာ ပျံတာအလယ်၊ အာကာသယာဉ်လွှတ်တာအဆုံး၊ နေရာတိုင်းမှာ နေ့  တိုင်းသုံးနေတာပေါ့ဗျ”  …လို့ ဆိုကြတယ်။ အဲဒီလိုကြားရရင် ကျွန်တော်တော့ တော်တော်လေးကို စိတ်ပျက်မိတယ်ဗျာ။ ဒါဟာလူတိုင်းသိတာပေါ့။ ဘယ်သူကမှလည်း ဒီလို ကြီးကျယ်မြင့်မြတ်စွာ အသုံးဝင်မှုကို မငြင်းပယ်ပါဘူး။ Calculus အပါအ၀င်၊ သင်္ချာ တို့  ရူပဗေဒ တို့ ဟာ ဘယ်လောက်အထိ အရေးပါ အရာရောက် ကြောင်း ချွင်းချက်မရှိလက်ခံကြပါတယ်။

ဒါပေမယ့်၊ တကယ်တန်းက “ကျွန်တော်တို့ ဟာ  ဗျောသံကြားတရားနာ၊ လေဖမ်း ၀ါးတန်းချည်၊ လေဖမ်း ဒန်းစီး ပြီး သူများပြောတာကြားဖူးတဲ့အတိုင်း၊ ပညာရှင်တွေပြောတဲ့အတိုင်း ဒီပညာရပ်တွေအသုံးဝင်ကြောင်း၊  လိုက်ပြောနေတာသာဖြစ်တယ်”၊ ဒီပညာရပ်ကို၊ ကိုယ်ကိုတိုင်ရှင်းရှင်းလင်းလင်း သိမြင် နားလည် သဘောပေါက်ပြီး၊ ကိုယ်ကိုတိုင် လက်တွေ့ အသုံးချနေတာ၊ အသုံးချနိုင်တာမှ မဟုတ်ပဲဗျာ။ ဒါကို ပွင့်လင်းရိုးသားစွာဝန်မခံပဲ အဲဒီလို “ငါ့စကား နွားရ” စကားနိုင်လုပြောနေကြရုံသက်သက်နဲ့ တော့၊ ကျွန်တော်တို့ ဟာ ဘာကိုမှ မတည်ထွင်နိုင်၊ မဖန်တီးနိုင်၊ မဆန်းသစ်နိုင်၊ မတွေးခေါ်နိုင်တဲ့ “ဘွဲ့ ရ” အဆင့်က နေ တက်မှာမဟုတ်တော့ဘူး။ ကျွန်တော်တို့ တကယ် ပညာမတတ်ပဲနဲ့  ဗုန်းဗုန်းလဲနေတဲ့ ကျွန်တော်တို့ နိုင်ငံ ကို ဘယ်လို ဆွဲထူနိုင်မှာလဲဗျာ။ ထားပါလေ၊ ဒါတွေပြောရင်တော့ သိတဲ့အတိုင်း ဒေါတွေပါလာတော့မှာကိုး။

ဒါကြောင့် အခုလိုဖြစ်ပျက်နေရတဲ့ အခြေအနေကို ကိုယ်ညာဏ်မီသလောက် စေ့ငုဆင်ခြင်ကြည့်တဲ့အခါ၊ [ကိုယ်ကရိုးရိုးပဲတွေးတတ်တော့] အဖြေကလဲရိုးရိုးပဲထွက်တယ်ဗျာ။ ကျွန်တော်တို့ ဟာ အစမကောင်းခဲ့လို့  အနှောင်းမသေချာ တော့တာပါပဲ။

တကယ်ဖြစ်သင့်တာက ပညာရပ်တစ်ခုကိုသင်တော့မယ်ဆိုရင် ၊ အဲဒီ ပညာရပ် ရဲ့ သမိုင်း နောက်ခံအခြေအနေ၊ ဘယ်လို လိုအပ်မှုရှိခဲ့လို့  ဘယ်လိုအခြေအနေတွေကတောင်းဆိုခဲ့လို့  ဒီပညာရပ်ကိုတည်ထွင် ကြံဆခဲ့ကြတယ်၊ မူလဘူတ ကနဦး တည်ထွင်ကြံဆခဲ့ကြသူတွေရဲ့ လုပ်ပုံ ကိုင်ပုံ ဆောင်ရွက်ပုံ တွေးခေါ်ပုံ နဲ့  ချဉ်းကပ်ခဲ့ပုံ တွေကို စတင်မိတ်ဆက်သင်ကြားသင့်ပါတယ်။ ပြီးတော့ အရေးအကြီးဆုံးက ဒီလိုပညာရပ်အသစ်တခုကို စတင်သင်ကြားတဲ့အခါ ၊ အားလုံး သိပြီးသား ရှိပြီးသား ရင်းနှီးကျွမ်းဝင်ပြီးသား နားလည်သဘောပေါက်ဖို့ လွယ်ကူတဲ့၊ လက်တွေ့ နဲ့ ဆက်စပ်နားလည် မြင်သာနိုင်မယ့် အရာတွေနဲ့  ယှဉ်တွဲ ပြတဲ့နည်းနဲ့  စတင်သင်ကြားသင့်ပါတယ်။ ဒါမှသာ ပညာရပ်ကို ကျိုးကြောင်းဆက်စပ်နားလည်ပြီး  ကောင်းစွာ သဘောပေါက်နိုင်တော့ပေမပေါ့။

ဒါကြောင့် အုပ်တချပ်ပဲဖြစ်ဖြစ်၊ သဲတပွင့်ပဲဖြစ်ဖြစ်၊ နှမ်းတလုံးပဲဖြစ်ဖြစ်၊ “စရည်းအိုးခွက်၊ ကြီးစွာလျက်လည်း၊ တစက်ကျများ၊ ပြည့်သောလားသို့ ” ဆိုတဲ့ ထုံးနှလုံးမူပြီး၊  ဒီဆောင်းပါးမှာ Calculus ရယ်လို့  မဖြစ်သေးခင်ကတည်းက၊ Calculus ရယ်လို့ ဖြစ်လာမယ့်၊ မူလကနဦး တွေးခေါ်ဆောင်ရွက်ချက်တွေကို တတ်နိုင်သလောက်တင်ပြလိုက်ရပါကြောင်း။

=+-*/=+-*/=+-*/=+-*/=+-*/=+-*/=+-*/=+-*/=+-*/=+-*/=+-*/=+-*/

 Calculus ၏ နောက်ခံသဘောတရားများ

လက်တင်စကား ကဲကုလပ်စ်(Calculus) ရဲ့ အဓိပ္ပါယ်က [ရေတွက်ရာတွင်သုံးသော]ကျောက်ခဲကလေး လို့  အဓိပ္ပါယ်ရပါတယ်။ ဘီစီ ၃ ရာစု လောက်ကတည်းက ဂရိတွေးခေါ်ပညာရှင်ကြီး ပလေတိုး[Plato] ရဲ့တပည့်တွေဖြစ်ကြတဲ့၊   နက္ခတ္တဗေဒ နဲ့  သင်္ချာပညာရှင် ယူဒိုးဆုစ် Eudoxus of Cnidus (410 or 408 BC – 355 or 347 BC :) တို့ ၊ အရစ်စတိုတယ်  Aristotle (384 BC – 322 BC : အလက်ဇန်းဒါးသည်ဂရိတ် [Alexander the Great]ရဲ့ဆရာ  ) တို့ ဟာ မျဉ်းကွေးတွေကြောင့် ဖြစ်လာတဲ့ ဧရိယာ(Area under curve)အပေါ်မှာ  စိတ်ဝင်စားခဲ့ကြတယ်။ အဲဒီလို ဧရိယာမျိုးတွေရှာတဲ့နေရာမှာ၊ ထောင့်မှန်စတုဂံပုံတွေကို အဲဒီဧရိယာအတွင်းမှာ ဆွဲသားတဲ့နည်းနဲ့ ခန့်  မှန်းတွက်ချက်ခဲ့ကြတယ်။ 

ဥပမာ အောက်မှာ ပြထားတဲ့ ပုံရဲ့ မီးခိုးရောင်ချယ်ထားတဲ့အပိုင်းရဲ့ ဧရိယာ ရှာချင်တယ်ဆိုပါတော့

အဲဒီရှာချင်တဲ့ အပိုင်းထဲမှာ ဟောဒီလို ထောင့်မှန်စတုဂံပုံတွေဆွဲထည့်လိုက်တယ်။ အားလုံးသိကြတဲ့အတိုင်း ထောင့်မှန်စတုဂံတွေရဲ့ ဧရိယာကိုတော့ အလွယ်တကူရှာလို့ ရတာကိုး။

ပြီးတော့မှ အဲဒီ ထောင့်မှန်စတုတစ်ခုချင်းရဲ့ ဧရိယာတွေကို ပေါင်းလိုက်တဲ့အခါ၊ သူရှာချင်နေတဲ့ မီးခိုးရောင် ဧရိယာရဲ့ ခန့် မှန်းတန်ဘိုးရလာတယ်။ အောက်မှာ ပြထားသလို ထောင့်မှန်စတုဂံငယ်ငယ်လေးတွေသုံးပြီး ရှာလေလေ၊ရလာတဲ့ ခန့် မှန်းဧရိယာတန်ဘိုးနဲ့  တကယ့်အမှန်ဧရိယာတန်ဘိုးက၊ ပိုပြီးနီးစပ်လာလေလေပေါ့။

 

Eudoxus က ဒီနည်းကို “Method of Exhaustion” လို့  ခေါ်ဝေါ်ခဲ့တယ်။

[တကယ်တော့ ဒီသဘောတရားနဲ့  အနှစ်သာရဟာ မိတ်ဆွေတို့  ရဲ့ Calculus သင်ယူမှုခရီးစဉ်တလျောက်မှာ ကြုံတွေ့ ခဲ့ရတဲ့၊ ထင်ရှားတဲ့ ဂျာမန်သင်္ချာပညာရှင် ရီးမန်း (Georg Friedrich Bernhard Riemann  : September 17, 1826 – July 20, 1866)[ယာပုံ] ရဲ့ ရီးမန်းပေါင်းခြင်း(Riemann Sum)ရဲ့ အနှစ်သာရ နဲ့  သဘောတရားခြင်း အတူတူပဲပေါ့ဗျာ။]

ယူကလစ်(Euclid)ဟာ ဒီ (Method of Exhaustion)နည်းကိုသုံးပြီး သူရဲ့ အဆိုပြုချက်(Proposition) ခြောက်ခု ကို သက်သေပြခဲ့သလို၊ အာခိမိဒီးစ်(Archimedes) ကလည်း ဒီနည်းကိုပဲ သုံးပြီး စက်ဝိုင်းတစ်ခုရဲ့ ဧရိယာရှာတဲ့အခါမှာ  အဲဒီစက်ဝိုင်းအတွင်းထဲမှာ ဗဟုဂံ(Polygon)တွေကို အနားအရေအတွက် တိုးတိုးပြီး ဆွဲကြည့်တဲ့နည်းနဲ့   စက်ဝိုင်းရဲ့ ဧရိယာကိုရှာနိုင်ကြောင်း သက်သေပြခဲ့တယ်။

ဒါကြောင့် တကယ်တော့ ဒီ Calculus ရဲ့ အနှစ်သာရ နဲ့ နောက်ခံအကြောင်းရင်းက

၁။ ရှုပ်ထွေးပြီး ရှင်းရခက်တဲ့၊ ပုံစံ(Model)စံနစ်တကျ တည်ဆောက်ပြီးသားမရှိသေးတဲ့ ကြီးမားတဲ့အရာတစ်ခုကို၊ ပိုမိုရှင်းလင်းပြီး ကိုင်တွယ်ရလွယ်ကူတဲ့(နားလည်ဖို့ လွယ်ကူတဲ့) ၊ ကိုယ်နဲ့  ရင်းနှီးကျွမ်းဝင်ပြီးသားပုံစံ(Model) အပိုင်းကလေးတွေအဖြစ်ခွဲထုတ်လိုက်ခြင်း( Differentiation သဘောတရား) နဲ့ 

၂။ အဲဒီ ရှင်းလင်းတဲ့ပုံစံရပြီးသား အရာလေးတွေ အားလုံးကို (ပြန်လည်)ပေါင်းစည်းလိုက်ခြင်း ဖြင့်   ကိုယ် လိုချင်တဲ့ ရှုပ်ထွေးတဲ့ Model ကို ပြန်လည်တည်ဆောက်ရယူခြင်းဆိုတဲ့  Integration သဘောတရားပဲပေါ့ဗျာ။

ကဲ..ဟုတ်ပါပြီဗျာ…ခု မိတ်ဆွေတို့ တွေ့ ခဲ့ရတဲ့ Eudoxus ရဲ့ Method of Exhaustion မှာ သိပ်ကိုသိသာထင်ရှားတဲ့အချက်ကတော့ ကိုယ်ခွဲထုတ်စိပ်ပိုင်းလိုက်တဲ့ “ထောင့်မှန်စတုဂံတွေက ပိုပြီး ငယ်လာလေလေ ခန့် မှန်းဧရိယာတန်ဘိုးက ပိုပြီးနီးစပ်လာလေ” ဆိုတာပဲ။ ဒါဆို ကျွန်တော်တို့  ဘယ်လောက်သေးငယ်တဲ့ အထိ ခွဲကြ စိပ်ကြ မလဲ။ ငယ်လေကောင်းလေပဲ…ဘာလို့ လဲဆိုတော့.ကျွန်တော် တို့ ခွဲစိပ် တာ ငယ်လာတာနဲ့ အမျှ …ခန့် မှန်းဧရိယာတန်ဘိုးနဲ့  တကယ့်ဧရိယာတန်ဘိုးဟာ  ခွဲမရတော့လောက်အောင်(ကွာခြားမှုမရှိတော့လောက်အောင်)ကို တူညီလာလေပေါ့။ ဒါဟာ Calculus မှာ အလွန်အရေးပါတဲ့  Inifinitesimal(ကိန်းအားလုံးထက်သေးငယ်သော၊ အလွန်အမင်းသေးငယ်သော) ဆိုတဲ့ သဘောတရားပဲပေါ့။ အလွန့် အလွန်ကိုငယ်တယ်။ သုညနဲ့ တောင်(သာမန်ဆို)ခွဲမရဘူး။ ဒါပေမဲ့ သုညတော့မဟုတ်ဘူး။  အိုကေ..ဒါဟာ..မိတ်ဆွေတို့  Differential Calculus မှာ တွေ့ နေတဲ့ “Limit” ရဲ့သဘောတရားပဲပေါ့။  “ကိန်းရှင်တစ်ခု သည် သုညသို့ ချဉ်း ကပ်လာသော်…. lim(x approaches to 0) ” လို့ မိတ်ဆွေတို့  ပြောပြောနေတဲ့ အရာရဲ့ နောက်ခံ အနှစ်သာရပဲပေါ့။

အိုကေဗျာ…ဒါဆိုကျွန်တော်တို့  အရှိန်လေးရနေတုန်း ရှေ့ဆက်ပြီး တစ်ဆင့်လောက်ထပ်အားထုတ် လိုက်ကြဦးစို့ ရဲ့။ အားလုံးသိကြတဲ့အတိုင်း…..

+Arithmetic (ဂဏန်းသင်္ချာ) ဆိုတာ ကိန်း (number) တွေကို ပေါင်း၊ နှုတ်၊ မြှေက်၊ စား လုပ်တဲ့ပညာရပ်။

+Algebra(အက္ခရာသင်္ချာ)ဆိုတာ အဲဒီကိန်း(number)တွေ အချင်းချင်းရဲ့ တခုနဲ့  တခုဆက်သွယ်ချက်(Pattern) ကိုရှာတာ၊

[ဥပမာဗျာ.. ကမ္ဘာကျော် ပိုက်သာဂိုးရပ်စ် ရဲ့ ထောင့်မှန်တြိဂံတစ်ခုရဲ့ အနားတွေအချင်းချင်းဆက်သွယ်ချက်ကို ပြတဲ့ a² + b² = c²    ဆိုတဲ့ ညီမျှချင်း(Equation)လို ဟာမျိုးပေါ့။]

ကဲ…ဒါဆိုကဲကုလပ်စ်(Calculus)ကဘာလဲ?  ကဲကုလပ်စ်ကဘာလဲဆိုတော့…

+“ကဲကုလပ်စ် ဟာ (အဲဒီလို) ညီမျှခြင်းတွေ အချင်းချင်းရဲ့ ဆက်သွယ်ချက်ကိုရှာတာ” ပဲဗျာ။

[မိတ်ဆွေတို့  Calculus မှာ သုံးနေတဲ့ Function ဆိုတာ တကယ်တော့ Equation တွေပဲဆိုတာမမေ့ပါနဲ့ ။ function of x ဆို တာ တကယ်တော့ equation for y ပဲပေါ့ ။ x ၀င်ရိုးတစ်လျောက်ပြောင်းလဲလာတဲ့ x  ရဲ့ တန်ဘိုးတွေကို  function လုပ်လိုက်ရင် (တနည်း) x တန်ဘိုးကို ပေးထားတဲ့ equation ထဲမှာ အစားထိုး ထည့်သွင်းတွက်ချက်လိုက်ရင်  y တန်ဘိုးတွေ ရလာတာပဲ မဟုတ်လား။ အဲဒါကြောင့် Calculus ဆိုတာ function တွေအချင်းချင်းရဲ့ ဆက်သွယ်ချက်ကို ရှာတာ ဆိုရင်လည်း မမှားဘူး။ ဤကား စကားချပ်။] 

ဥပမာဗျာ

+စက်ဝိုင်းတခုရဲ့ ပတ်လည်အ၀န်း (circumference) ကိုရှာတဲ့ equation နဲ့  ဧရိယာကိုရှာတဲ့  equation

+စက်လုံးတစ်ခုရဲ့မျက်နှာပြင် ဧရိယာ ကိုရှာတဲ့ equation နဲ့  စက်လုံးရဲ့ထုထည် ကိုရှာတဲ့ equation 

တွေဟာ နီးနီးစပ်စပ် တစ်ခုနဲ့ တခု အပြန်အလှန် ဆက်သွယ်နေကြတယ် မထင်ရပေဘူးလား။ အောက်မှာ ကြည့်ဗျာ….

ကဲ..ထင်နေရုံနဲ့ တော့မပြီးသေးဘူးဗျို့ …လက်တွေ့ ဥပမာလေးစလိုက်ကြစို့ ။

ဆိုပါတော့…ကျွန်တော်တို့ ဟာ စက်ဝိုင်းတခုရဲ့ ပတ်လည်အနား ကိုရှာ တဲ့  ညီမျှခြင်း (Equation) ဖြစ်တဲ့၊   “ 2 * pi * r “ တော့သိတယ်။ ဒါပေမယ့် ရှာချင်တာက ဧရိယာ၊ (ပုံသေနည်းမသိဘူးပဲထားပါတော့ဗျာ။) ဘယ်လိုလုပ်ကြမလဲ။

ကဲ ..ကျွန်တော်တို့ အပေါ်မှာဆွေးနွေးခဲ့တဲ့ ကဲကုလပ်စ် ရဲ့ အနှစ်သာရကိုမမေ့ဘူးဆိုရင်… ခွဲကြ..စိပ်ကြ..ပိုင်းကြ..ဖြတ်ကြ..စို့ ဗျာ။ (တနည်းပြောရရင် “ရှိတ်” တာပေါ့။)

ဆိုပါတော့…အောက်မှာတွေ့ ရတဲ့ပုံက၊ ဧရိယာရှာမယ့် စက်ဝိုင်းပုံစာရွက်လေးပေါ့။ မိတ်ဆွေဟာ..သူ့ ရဲ့(၎င်း Circle ပုံ စက္ကူပြား) ပတ်လည်အနားတစ်လျောက် (ကတ်ကျေးနဲ့ )၊ အပ်ချည်ကြိုးလောက်ကိုသေးတဲ့ သေးသေးမျှင်မျှင်လေး ၊ ၀ိုက်ပြီး စက်ဝိုင်းပုံ ကွင်း ကလေးတွေ ရလာအောင်  ညှပ်(ဖြတ်) ဗျာ။ [တကယ်လုပ်ကြည့်ဖို့ မလိုပါဘူး၊ အောက်မှာပြထားတဲ့ ပုံတွေကြည့်လိုက်ရင် ကို ပဲ ရှင်းပါတယ်။] သေးလေ ကောင်းလေ ဆိုတာလဲ မမေ့နဲ့ ပေါ့ဗျာ။

အဲ ဒီ ပထမဆုံး ရလာတဲ့ အကြီးဆုံး ကွင်းရဲ့ radius ဟာ r ပေါ့၊ ဒါဆိုသူ့ ရဲ့ circumference က “ 2 * pi * r ” ပေါ့။ ဒီလိုနဲ့ ၊ တဖြည်းဖြည်းကွင်းတွေကငယ်လာလေလေ၊ circumference က ကျုံ့ (Shrink)လာလေလေ၊

အဲဒီ circumference က ဘယ်လောက် ကျုံ့ လာသလဲဆိုရင် ၊ အပ်ချည်တမျှင်စာချင်း လျော့လျော့ လျော့လျော့ လာ တဲ့ radius နဲ့  အချိုးကြ ကျုံ့ လာတာပေါ့ဗျာ။ “ 2 * pi * r ” ဆိုတဲ့ပုံစံက ဘယ် radius တန်ဘိုးအတွက်မဆို မှန်နေတာကိုး။

[အင်း…မိတ်ဆွေတို့ များသတိထားမိသလားမသိဘူး၊ ဒါဟာတကယ်တော့  circumference ကို radius နဲ့  “ရှိတ်” နေတာပဲ မဟုတ်လားဗျာ။]

တဖြည်းဖြည်း ကွင်းလေးတွေက သေးလာလိုက်တာ နောက်ဆုံး အစက်ကလေးတစက်စာလောက်ထိ ကို ငယ်လာမှာပေါ့။ အဲဒီအခြေအနေမှာ radius က zero, circumference က zero ဖြစ်တဲ့အခြေအနေ၊ ထပ်ပြီး ခွဲစိပ်လို့ (ကွင်းလုပ်လို့ )မရတော့တဲ့ အခြေအနေပေါ့။

ကဲ…ဒီတခါ..အဲဒီကွင်းကလေးတွေအားလုံးကို ဖြန့် လိုက်ဗျာ။ အတိုအရှည်မတူတဲ့ ကြိုး ကလေးတွေရလာမှာပေါ့။ အဲဒီကြိုးကလေးတွေကို (အတို အရှည် ပေါ်မူတည်ပြီး ၊ ကြီးစဉ်ငယ်လိုက် ပဲဖြစ်ဖြစ်၊ ငယ်စဉ်ကြီးလိုက်ပဲဖြစ်ဖြစ်) အောက်မှာပြထားသလို စီလိုက်ဗျာ။ ဒါဆိုရင် ရှင်းပြီထင်ပါတယ်။ [ဒါဟာ ပေါင်းစည်းခြင်း- Integration လုပ်နေတာပေါ့။ ]

အပ်ချည်ကြိုးလောက်ကိုသေးငယ်တဲ့၊ ဒေါင်လိုက်ထောင်ထားတဲ့ မျဉ်းတွေရဲ့ x ၀င်ရိုးတလျောက် စုစုပေါင်း ပေါင်းလာဒ်ဟာ  ကျွန်တော်တို့ ရဲ့ ဧရိယာရှာချင်တဲ့၊ မူလစက်ဝိုင်းရဲ့ radius ပဲမဟုတ်လား။

တြိဂံ ရဲ့ အမြင့်(y-၀င်ရိုးတစ်လျောက် အမြင့်ဆုံးတန်ဘိုးဖြစ်တဲ့၊ အကြီးဆုံးကွင်းရဲ့အလျား) ဟာ “2 * pi * r ”  ပဲမဟုတ်လား။ ဒါဆိုရင် ကျွန်တော်တို့ ဟာ တြိဂံတစ်ခုရဲ့ ဧရိယာဟာ   [half *  base *  height] ဆိုတာ သိထားပြီးသားဖြစ်လေတော့၊

တြိဂံရဲ့ဧရိယာဟာ   pi, r, square ပေါ့။ ဒါဟာ တကယ်တော့ ကျွန်တော်တို့ ရှာနေတဲ့၊ စက်ဝိုင်းရဲ့ ဧရိယာပဲ မဟုတ်ပါလားခင်ဗျာ။

ဒီနေရာမှာထပ်ပြောချင်တာက၊ Calculus သင်ဖူးသူတိုင်း မှတ်မိလေ့ရှိတဲ့[ဒီတခုတည်းပဲ မှတ်မိကြတော့တာပါ။]

Differential Calculus ရဲ့ ဇာတ်လိုက်ကျော်ကြီး  ဖြစ်တဲ့  “Power Rule” ရဲ့  “ပါဝါရှေ့ချ…..ပါဝါတစ်ထပ်လျော့”  ဆိုတဲ့ နည်း အတိုင်း(Circle and Sphere Fun Facts မှာ ပြထားတဲ့ ပုံသေနည်းတွေကိုသုံးပြီး)

+စက်ဝိုင်းရဲ့ ဧရိယာကို Differentiate လုပ်ကြည့်လိုက်ဗျာ။ စက်ဝိုင်းရဲ့ Circumference ရလာတယ်မဟုတ်လား။

+စက်လုံးရဲ့ထုထည် ကို Differentiate လုပ်ကြည့်လိုက်ဗျာ။ စက်လုံး ရဲ့မျက်နှာပြင် ဧရိယာ ရမလာဘူးလား။

……

……

နိဂုံးချုပ်ပါရစေ။

ဒီ Blog မှာ ရှိတဲ့၊ ဒီ Post ကို ဖတ်ကြတဲ့မိတ်ဆွေတို့ ဟာ၊ အရိပ်ပြအကောင်ထင်မယ့် သူတွေပါ။ ဒီလောက်ဆိုရင် Calculus ရဲ့ ဒေါက်တိုင်ကြီး နှစ်တိုင်ဖြစ်တဲ့ Differentiation နဲ့  Integration ရဲ့၊ နောက်ခံသဘောတရား၊ အနှစ်သာရ နဲ့  သူတို့ နှစ်ခုရဲ့ အပြန်အလှန် ဆက်စပ်ပုံကို ရိပ်စားမိလောက်ပြီ လို့  မျှော်လင့်ပါတယ်ခင်ဗျား။ကျွန်တော့ရဲ့ သင်္ချာပညာအဆင့်အတန်း နဲ့ ပတ်သက်လို့ ကျွန်ုပ်၏အကြောင်းမှာလည်း ၀န်ခံပြီးပါပြီ။ ဒါကြောင့် ဒီ ဆောင်းပါးရဲ့ ရည်ရွယ်ချက်က “အထီး အမ” ခွဲပြရုံမျှသာဖြစ်ပါတယ်။ တကယ်ကျွမ်းကျွမ်းကျင်ကျင် စီးနင်းတတ်ဖို့ ကတော့၊ တကယ် ကျွမ်းကျင်သူပညာရှင်တွေဖြစ်ကြတဲ့ ဆရာကြီး ဒေါက်တာခင်မောင်ဝင်း၊ ဆရာလွဏ်းမောင် တို့ လို သင်္ချာပညာရှင်တွေ၊ ဆရာကြီးဒေါက်တာတင်အောင်၊ ဆရာဘိုးလှိုင် စတဲ့ ရူပဗေဒပညာရှင်တွေ ရဲ့ အသေးစိပ်သင်ကြားချက်၊ ပို့ ချချက်၊ ဆောင်းပါး၊ စာအုပ်စာတမ်း စတာတွေကို  မလွတ်တမ်း ရှာဖွေ စုဆောင်း လေ့လာ ဖတ်ရှုကြပါလို့  လေးစားစွာတိုက်တွန်းလိုက်ပါတယ်ခင်ဗျာ။ 

စကားမစပ်ပြောချင်တာကတော့၊ စက်လုံးရဲ့ထုထည် ကိုစိတ်ကူးနဲ့  Differentiate ကြည့်တဲ့အခါ၊ မျက်စေ့ထဲမြင်ရောင်ရမှာက၊ ဂေါ်ဖီထုပ်မှာရှိတဲ့၊ ဂေါ်ဖီရွက်တွေကို၊ တလွှာချင်း တလွှာချင်း၊ တရွက်ချင်း တရွက်ချင်း၊ ဂေါ်ဖီထုပ်ဆိုတဲ့အလုံးကြီး၊ ထုထည်ကြီး ပျောက်သွားတဲ့အထိ၊ ခွာကြည့် နေသလိုမျိုးပေါ့။

(ခြိမ့်ထက်)

References:

http://betterexplained.com/articles/a-gentle-introduction-to-learning-calculus/

Elementary Calculus (An Infinitesimal Approach) 2^nd Edition by H.Jerome

Keisler,  University of Wisconsin

http://en.wikipedia.org/wiki/Calculus