Artificial Intelligence: A Modern Approach - Lesson III

1.1.3 Thinking rationally: The “laws of thought” approach

                ဒီချဉ်းကပ်ပုံရဲ့အနှစ်သာရကတော့'လူရဲ့တွေးခေါ်စဉ်းစားပုံနိယာမသဘောတရားတွေ' ကိုအသုံးပြပြီး၊စက်(machine / ကွန်ပျူတာ)ကိုယုတ္တိနည်းကျကျမှန်မှန်ကန်ကန်တွေးခေါ်စဉ်းစားနိုင်ဖို့အတွက်စည်းမျဉ်းစည်းကမ်းနည်းလမ်းတွေသတ်မှတ်ပေးတာမျိုးဖြစ်ပါတယ်။တကယ်တော့လည်းရှေးခေတ်ဂရိကျောင်းတော်ကြီးတွေလက်ထက်ကတည်းကအထွေထွေအမျိုးမျိုးသောယုတ္တိပုံသဏ္ဍန်တွေအတွက်တွေးတောခြင်းဆိုင်ရာစည်းမျဉ်းတွေနဲ့ကိုယ်စားပြုသင်္ကေတတွေကိုဖေါ်ထုတ်ခဲ့ကြပြီးဖြစ်ပါတယ်။ဒီချဉ်းကပ်ပုံရဲ့ပြဿနာက၊အသိပညာရပ်အားလုံးကိုယုတ္တိသင်္ကေတတွေနဲ့မဖေါ်ပြနိုင်ဘူးဆိုတဲ့အချက်နဲ့ကွန်ပျူတာတွေရဲ့တွက်ချက်မှုစွမ်းရည်မှာအကန့်အသတ်ရှိတယ်ဆိုတဲ့အချက်တွေပဲဖြစ်ပါတယ်။

1.1.4 Acting rationally: The rational agent approach

                ဒီနည်းလမ်းဟာဆိုရင်"ရနိုင်တဲ့သတင်းအချက်အလက်ကိုအသုံးပြုပြီး၊ရည်မှန်းချက်ပန်းတိုင်ကိုအကောင်းဆုံးအမြန်ဆုံးနဲ့အမှန်ကန်ဆုံးရောက်နိုင်အောင်သွားနိုင်ဖို့ကိုအဓိကထားချဉ်းကပ်တဲ့ပုံစံ" ဖြစ်ပါတယ်။အခုလိုချဉ်းကပ်တဲ့ပုံစံနဲ့ဒီဇိုင်းပြုတည်ဆောက်ထားတဲ့system ကိုrational agent လို့ခေါ်ပါတယ်။ထပ်ပြီးရှင်းအောင်ဆိုရရင်rational agent ဆိုတာ ' ရနိုင်တဲ့သတင်းအချက်အလက်ကိုအသုံးပြုပြီးရည်မှန်းချက်ပန်းတိုင်ကိုအကောင်းဆုံးအမြန်ဆုံးနဲ့အမှန်ကန်ဆုံးရောက်နိုင်အောင်သွားနိုင်တဲ့အရာagent၊စက်machine၊စနစ်system တစ်ခု' လို့ဆိုနိုင်ပါတယ်။ဒီrational agent ကို မသေချာမရေရာတဲ့အခြေအနေနဲ့ပတ်၀န်းကျင်မှာတောင်(ဖြစ်နိုင်သမျှတွေထဲက) အကောင်းဆုံးကိုအမှန်ဆုံးရွေးချယ်လုပ်ဆောင်နိုင်စွမ်းရှိအောင်ဒီဇိုင်းပြုတည်ဆောက်ကြပါတယ်။အခုလက်ရှိအချိန်(၂၀၁၇)မှာကွန်ပျူတာသိပ္ပံပညာရှင်တွေနဲ့တုပအသိဉာဏ်ဆိုင်ရာပညာရှင်တွေဟာကျွန်တော်တို့အထက်မှာဆွေးနွေးခဲ့တဲ့AI နဲ့ပတ်သက်တဲ့ချဉ်းကပ်ပုံလေးမျိုးထဲကဒီrational agent approach ကို သာအဓိကထားလေ့လာနေကြပါတယ်။

1.2 ပညာရေးအခြေခံများ The Academic Foundations of Artificial Intelligence

• သင်္ချာ Mathematics

·         Logic: Formal representation and proof ယုတ္တိဗေဒနှင့် ပုံစံတကျ သက်သေပြခြင်းနည်းစနစ်များ။

·         computation တွက်ချက်ခြင်းပညာ။

·         algorithm ပြဿနာဖြေရှင်းဆောင်ရွက်ပုံ နည်းလမ်းအဆင့်ဆင့်အားလေ့လာသောပညာရပ် ။

·         Probability ဖြစ်နိုင်ခြေပညာရပ်များ။

• စီးပွားရေးပညာ Economics

·         Formal theory of rational decisions မှန်ကန်သောရွေးချယ်မှုများအတွက် ပုံစံတကျ ဆုံးဖြတ်ချက်ချပုံ သဘောတရားများ။

·         Combined decision theory and probability theory for decision ဆုံးဖြတ်ချက်ချမှတ်ရန်အတွက် ဖြစ်နိုင်ချေသီအိုရီနှင့် ဆုံးဖြတ်ချက်သီအိုရီတို့အား ပေါင်းစပ်ခြင်း။

·         making under uncertainty, Game theory မရေရာသောအခြေအနေများတွင်ဆုံးဖြတ်ခြင်း(သို့) ဂိမ်းသီအိုရီ။

·         Markov decision processes မားကော့ဗ်ဆုံးဖြတ်ပုံအဆင့်ဆင့်။

ဦးနှောက်နှင့်အာရုံကြောဆိုင်ရာသိပ္ပံပညာ Neuroscience

·         လူ့ဦးနှောက်အလုပ်လုပ်ပုံကိုလေ့လာတဲ့ပညာ။

·         ကွန်ပျူတာနဲ့လူ့ဦးနှောက်ရဲ့တူညီပုံနဲ့ကွဲပြားခြားနားပုံများကိုလေ့လာတဲ့ပညာရပ်။

• စိတ်ပညာ Psychology

·         လူတွေဘယ်လိုစဉ်းစားသလဲ၊ဘယ်လိုပြုမူကြသလဲဆိုတာတွေကိုလေ့လာတဲ့သိမြင်နားလည်ခြင်းဆိုင်ရာစိတ်ပညာ။

·         လူ့ဦးနှောက်ကိုသတင်းအချက်အလက်အသုံးပြုပြီးဆုံးဖြတ်လုပ်ကိုင်တဲ့စက်တစ်ခုအဖြစ်သဘောထားလေ့လာသောပညာ။မှတ်ချက်။ အဲဒီလိုလေ့လာမှုတွေဟာအခုအခါမှာ သိမြင်နားလည်ခြင်းဆိုင်ရာသိပ္ပံပညာရပ် (cognitive science) အဖြစ် သီးခြားဖွံ့ဖြိုးတိုးတက်လာပြီဖြစ်ပါတယ်။

• အတွေးအခေါ်ပညာ Philosophy

·         Logic, methods of reasoning ယုတ္တိဗေဒ၊ ကြောင်းကျိုးဆက်စပ်နည်း။

·         Mind as physical system that operates as a set of rules စည်းမျဉ်း စည်းကမ်းတွေနဲ့အညီလုပ်ဆောင်နေတဲ့ ရုပ်စနစ်ကြီးတစ်ခုအဖြစ် စိတ်ကို နားလည်ဆင်ခြင်သောပညာ။

·         Foundations of learning, language, rationality သင်ယူခြင်းအခြေခံသဘောတရားများ။ဘာသာစကား။ကြောင်းကျိုးညီစွာမှန်မှန်ကန်ကန်လုပ်ဆောင်ခြင်း။

• ကွန်ပျူတာ အင်ဂျင်နီယာပညာ Computer engineering

·         အသိဉာဏ်တုကိုအသုံးချနိုင်မယ့်စက်ပစ္စည်းတွေကိုဘယ်လိုတည်ဆောက်မလဲဆိုတာအဓိကထားလေ့လာ။ဥပမာယနေ့ခေတ်၏မောင်းသူမဲ့ကား။

ထိန်းချုပ်ခြင်း နှင့် ဆက်သွယ်ခြင်းပညာ Control theory and cybernetics[1]

·         ပတ်၀န်းကျင်တုန့်ပြန်မှုကိုလက်ခံနိုင်တဲ့ရိုးရင်းတဲ့ရုပ်အမြင်ဆိုင်ရာပစ္စည်းတွေကိုဒီဇိုင်းပြုတည်ဆောက်သောပညာ။

·         ရည်ရွယ်ချက်ကိုအအောင်မြင်ဆုံး  အကောင်းဆုံးဖြစ်အောင်လုပ်ဆောင်နိုင်မယ့်စနစ်တွေကိုဒီဇိုင်းပြုတည်ဆောက်တဲ့ခေတ်သစ်ထိန်းချုပ်မှုပညာဆိုင်ရာသီအိုရီ

• ဘာသာစကားပညာ Linguistics

·         ဘာသာစကားနှင့့်စဉ်းစားတွေးတောခြင်း၏ဆက်စပ်ပုံ။

·         ခေတ်သစ်ဘာသာဗေဒပညာ+ တုပအသိဉာဏ်ပေါင်းစပ်= တွက်ချက်မှုဘာသာဗေဒ(သဘာဝဘာသာစကားအားအဆင့်ဆင့်သုံးစွဲခြင်းပညာNatural Language Processing)

---

[1]cybernetics (N: the scientific study of communication and control, especially concerned with comparing human and animal brains with machines and electronic devices: Oxford Advanced Learner's Dictionary 9th edition © Oxford University Press, 2015) (လူ၊ တရိစ္ဆာန်) ဦးနှောက်၏ဆက်သွယ်ပုံ၊ ထိမ်းချုပ်ပုံ၊အမိန့်ပေးစေခိုင်းပုံများ နှင့်အီလက်ထရောနစ်စက်ပစ္စည်းတို့၏ ဆက်သွယ်ပုံ၊ထိမ်းချုပ်ပုံ၊ အမိန့်ပေးစေခိုင်းပုံများအား နှိုင်းယှဉ်လေ့လာသော သိပ္ပံပညာရပ်။

ဤဆောင်းပါးများ 

Artificial Intelligence: A Modern Approach - Lesson I, II, III သည်၊ ၂၀၁၇ ဂျွန်လနှင့် ဂျွန်လိုင်လထုတ် ကွန်ပျူတာဂျာနယ်တွင် ဖေါ်ပြပါရှိပြီးသော ဆောင်းပါးများဖြစ်ပါသည်။

ဤဆောင်းပါးများနှင့် နောက်နောင် ဆက်လက် တင်ပြကောင်းတင်ပြမည့် 

Artificial Intelligence: A Modern Approach  သင်္ခန်းစာ ဆောင်းပါးများ အားလုံးကို Patent & Copyright Law အရ မှတ်ပုံတင်ပြီးဖြစ်ပါသည်။